Chennai: IPL 2025 ke ek high-voltage match mein Royal Challengers Bengaluru (RCB) ne Chennai Super Kings (CSK) ko unke ghar MA Chidambaram Stadium mein 50 runs se hara diya — aur iske baad CSK ke captain Ruturaj Gaikwad ka ek ajeebo gareeb bayan samne aaya jo ab social media par viral ho raha hai.
RCB ne 17 saal baad Chepauk mein jeet hasil ki, pehli baar 2008 ke baad. CSK 197 ka target chase karte hue sirf 147/8 tak hi pahuch payi — yeh CSK ki IPL home history ki sabse badi haar thi. Lekin post-match presentation mein Gaikwad ne kaha kuch aisa jo har fan ko sochne par majboor kar gaya.
“To be honest, I still feel 170 was a par score on this wicket. It wasn’t that great to bat. Bad day in the fielding cost us really badly… jab aap 170 ka peecha kar rahe hote ho, approach alag hoti hai. Pitch sticky thi aur slow ho rahi thi,” Gaikwad ne kaha.
“Still happy that we didn’t lose by a big margin and at the end it was just 50 runs.”
Fans ne iss statement ko kaafi bizarre maana, kyunki kisi bhi captain ka itna bada defeat ko ‘acceptable’ kehna IPL level pe rare hai. Ruturaj ne batting collapse ke sath-sath fielding lapses ko bhi highlight kiya.
“Rahul backed his shot, maine bhi apni shot backing ki. Sometimes it works, sometimes it doesn’t… Par score ka pressure aur 20 extra runs ke target ne mindset change kar diya tha,” unhone bataya.
RCB ke explosive finish ke liye Gaikwad ne Tim David ki tarif bhi ki, jisne sirf 8 balls mein 22 runs jodkar innings ko strong end diya.
“Unke paas 3 world-class spinners hai, naye batter unke samne aaye, wahi momentum badalne ka point tha… fielding mein bahut galtiyan huyi, crucial catches chhute, har baar ek extra six ya boundary aa gayi. Yehi flow final over tak chalta raha,” Ruturaj ne confess kiya.
Ab CSK apna agla match Rajasthan Royals (RR) ke against 30 March ko Guwahati mein khelegi, jabki RCB 2 April ko Gujarat Titans (GT) ka saamna karegi. Fans ab dekhenge kya CSK fielding aur mindset mein improvement la payegi ya nahi.
