IPL 2025 mein Chennai Super Kings (CSK) ke head coach Stephen Fleming ne pitch conditions ko lekar apna gussa jahir kiya hai. Unhone maana ki Chepauk Stadium ab pehle jaisa nahi raha jahan pe spinners ka raj hota tha. Ab har match mein pitch alag behave karti hai, jise samajhna unke liye mushkil ho gaya hai.
“Well, as we’ve been telling you for a number of years, there was no home advantage at Chepauk,” Fleming ne kaha jab CSK ne RCB se match haara – pehli baar 2008 ke baad.
“Hum sach bol rahe hain. Hum pichhle kuch saalon se is wicket ko samajh hi nahi pa rahe. Har match mein naye conditions hote hain aur hume har baar adjust karna padta hai.”
Is match mein Noor Ahmad ne 3 wickets liye aur CSK ke Ravindra Jadeja wicketless rahe. Ravichandran Ashwin ko sirf do over mile, jisme unhone ek wicket liya aur 22 run diye. Pitch ka behaviour itna unpredictable tha ki typical Chepauk strategy bhi fail ho gayi.
“It’s not the Chepauk [of old] where you can just go in and play four spinners,” Fleming ne kaha. “Har pitch ka character alag hai, aur hume har baar use decode karna padta hai.”
28 March ke match mein bhi unhone dew factor ka andaza lagaya tha, lekin pitch tacky ho gayi jo CSK ke chase mein bahut bada obstacle ban gayi. Target tha 197 runs ka, lekin CSK ke batters collapse kar gaye.
“No, we didn’t get it right. It’s so hard to read, but we thought it was going to skid on with the dew, but it actually got a bit tacky. So, it certainly made it harder here,” Fleming ne kaha.
CSK ka agla match Rajasthan Royals ke against hai Barsapara Stadium, Guwahati mein – jahan unka record theek hai, aur RR ki team form mein nahi lag rahi. Lekin agar CSK ko wapas winning track pe aana hai toh unhe pitch ka puzzle jaldi solve karna hoga.
Is match mein bhi Rahul Tripathi aur Ruturaj Gaikwad early out ho gaye. Deepak Hooda ne bhi struggle kiya aur Sam Curran ka promotion kaam nahi aaya. Rachin Ravindra ke 41 runs ke bawajood CSK 146/8 hi bana payi.
Ab sawal ye hai: Kya CSK apne home ground ko fir se fortress bana payegi, ya unhe naye Chepauk ke hisaab se naye tareeke dhoondhne padenge?
