Ahmedabad: IPL 2025 ke ek dhamakedaar encounter mein Gujarat Titans ke skipper Shubman Gill ne likh di history! Narendra Modi Stadium mein Mumbai Indians ke khilaaf khelte hue, Gill ne sirf 27 balls mein 38 runs banakar ek aisa record thama liya jo aaj tak kisi Indian player ke naam nahi tha.
Gill ab pehle Indian cricketer ban gaye hain jinhone IPL mein kisi ek venue par 1000 runs</strong complete kiye hain – aur yeh ground hai unka favourite Ahmedabad! Aur toh aur, wo sirf Chris Gayle ke baad doosre sabse tezi se yeh milestone chhoo lene wale player ban gaye hain.
Gill ne yeh karishma apni 20th innings</strong mein kar dikhaya, jabki Chris Gayle ne Chinnaswamy Stadium mein yeh kaam 19 innings mein kiya tha. Is list mein Gill ne bade bade naamon ko piche chhod diya – jaise David Warner (22 innings), Shaun Marsh (26), aur Suryakumar Yadav (31).
Fastest to 1000 IPL runs at a single venue:
- Chris Gayle – 19 innings (Bengaluru)
- Shubman Gill – 20 innings (Ahmedabad)
- David Warner – 22 innings (Hyderabad)
- Shaun Marsh – 26 innings (Mohali)
- Suryakumar Yadav – 31 innings (Mumbai – Wankhede)
Ahmedabad mein Gill ka record toh aur bhi zabardast hai – unhone 21 T20 matches mein 1127 runs</strong banaye hain, average hai 70.44</strong aur strike rate ek dum explosive 164.1</strong ka! Unka highest score bhi isi ground par bana tha – ek shaandar 129*.
GT ki batting performance bhi kaafi solid rahi. Sai Sudharsan</strong ke 41-ball 63 runs ki wajah se Gujarat Titans ne Mumbai ke against 196/8</strong ka score khada kar diya.
Toh bhai, Shubman Gill ki yeh performance sirf ek milestone nahi, balki IPL 2025 ka ek unforgettable moment ban gaya hai!
