IPL 2025 ka season Mumbai Indians ke liye kuch khaas shuruaat nahi le kar aaya, aur sabse zyada spotlight mein hain unke star opener Rohit Sharma. Do matches mein sirf 8 runs – aur is flop show par former England captain Michael Vaughan ne ek zabardast, thoda cheeky suggestion diya hai.
“Woh bas yeh pretend karein ki unhone India ki jersey pehni hai, na ki Mumbai Indians ki. Rohit Sharma ek world-class player hain. Agar Mumbai ko is saal playoffs tak pahuchna hai, toh Rohit ko form mein lautna hi hoga. Unka confidence aur mojo lautna zaroori hai. Jab tak Rohit nahi chalte, Mumbai ka qualification mushkil hai,” Vaughan ne Cricbuzz par kaha.
Match vs Gujarat Titans mein Rohit ne ek hi over mein do chaukke lagaaye, lekin fir Mohammed Siraj ke ek jabarjast inswinger ne unka bat-pad ka gap expose kar diya. Is se pehle opening match mein, Khaleel Ahmed ne unhe sirf 4 balls mein dismiss kar diya tha – flick shot maarne gaye aur short mid-wicket par catch ho gaye.
“Kabhi kabhi Rohit ko dekh kar lagta hai jaise unhe farak hi nahi padta – jaise Australia ke Test series mein tha. Lekin mujhe yakin hai woh aise nahi hain. Unhe apne andar ki motivation dhundhni padegi. Agar mil gayi, toh woh kisi bhi bowling attack ko tabah kar sakte hain,” Vaughan ne aur bhi kaha.
4, 4, W 💥
#MohammedSiraj ne #RohitSharma ko pehli baar T20s mein out kiya!
LIVE dekhiye ➡ https://t.co/VU1zRx9cWp
#GTvMI | LIVE NOW on Star Sports 1, Star Sports 1 Hindi, & JioHotstar!
— Star Sports (@StarSportsIndia) March 29, 2025
MI ke batting troubles bhi kisi se chhupe nahi hain. Pehle match mein unhone sirf 155/9 banaye – Deepak Chahar ke quickfire 28 ne thoda score respectable banaya. Top order ne kuch khaas nahi kiya – Suryakumar Yadav aur Tilak Varma ne starts liye, lekin convert nahi kar paaye.
Dusre match mein Hardik Pandya wapas aaye, lekin Siraj ne openers ko early hi nipta diya. Will Jacks drop hue aur Robin Minz phir se flop. Surya ne 28-ball 48 banaye, lekin jab tak woh gaye, required run rate out of control ho chuka tha. Pandya bhi sirf 11 runs hi bana paaye. Result – MI ne Gujarat se match 36 runs se haar diya.
Agla challenge – LSG ke against 4 April ko hai. Rishabh Pant ki Lucknow team ke khilaaf MI jeet ki raah par laut paayegi ya nahi, yeh dekhna interesting hoga.
