IPL 2025 mein CSK ki performance fans ke liye disappointment ban chuki hai. Pichhle do matches mein lagatar haar ke baad, former England captain Michael Vaughan ne ek zabardast suggestion diya hai jo team ka game badal sakta hai.
Cricbuzz se baat karte hue Vaughan ne bataya ki Rahul Tripathi ka form is season mein bilkul bhi promising nahi lag raha. Is wajah se unhone suggest kiya hai ki Ruturaj Gaikwad ko opening karni chahiye, taaki unki recent form ka pura fayda uthaya ja sake.
“Rahul Tripathi bas flow mein nahi aa pa rahe. Uske paas technique hai, flicks aur fine shots bhi hain, lekin powerplay mein aggression chahiye hota hai. Lagta hai bowlers ko usse bowl karne mein ab darr nahi lagta. He just doesn’t seem to be getting it quite right,” Vaughan ne kaha.
“Teen matches ho gaye hain aur Tripathi ko top par khilaya gaya hai. Shayad ab CSK ko sochna chahiye ki captain Ruturaj ko top par bhejein,” unhone joda.
Tripathi ka form ab tak kaafi underwhelming raha hai. RR ke against unhone sirf 23 runs banaye 19 balls mein. Usse pehle MI ke khilaaf sirf 2 aur RCB ke khilaaf sirf 5 runs. Dusri taraf, Gaikwad ne RR ke khilaaf 63 runs banake team ko match mein banaye rakha tha.
CSK ki batting line-up mein Shivam Dube, Vijay Shankar, Rahul Tripathi, aur Rachin Ravindra jaise players ab tak consistency nahi dikhla pa rahe hain. Is wajah se captain Ruturaj par hi poora load aa jaata hai.
Nitish Rana ne RR ke liye fire karte hue 81 off 36 balls banaye, jiski wajah se unhone 182 ka competitive target diya. CSK ke bowlers ne koshish toh ki, lekin batting ne again disappointment diya.
MS Dhoni ko jab number 7 par bheja gaya, tab thodi ummeed bani. Lekin last over mein jab 20 chahiye the, Dhoni ne ek six aur ek four mara, par fir Shimron Hetmyer ke ek stunning catch ne unka innings khatam kar diya.
CSK table mein 7th place par pahuch chuki hai, aur ab unka agla match Delhi Capitals ke against hai. Fans ko umeed hai ki team apna game wapas laayegi — lekin kya Vaughan ka suggestion unki strategy badlega? Yeh dekhna interesting hoga.
