Lucknow Super Giants (LSG) ka IPL 2025 mein pehla home match ek nightmare ban gaya jab Punjab Kings (PBKS) ne unhe 8 wickets se hara diya. Match ke baad, sabse zyada spotlight mein aaye team owner Sanjiv Goenka, jo captain Rishabh Pant ke saath ek aur animated discussion mein dikhayi diye.
Ye pehla mauka nahi hai jab Goenka ne apne captain ke saath is tarah ka intense moment share kiya ho. Pichle season bhi KL Rahul ke saath unki gusse bhari baatcheet viral hui thi. Is baar Pant ke saath wohi deja-vu moment repeat hua.
“Never seen a bigger clown than Goenka. If your team is struggling, they need support, not public scolding. Be like MI or CSK owners!” – @RagingFire_45
“Goenka be like: Gussa toh bahut aa rha h tujh pr, pr kya karu Public dkh rhi h !!” – @Aslicricketer23
“Hum top 4 se girke CSK MI ke beech aa gaye. Captaincy dete time bola tha na – CSK-MI ke level pe le jao!” – @FarziCricketer
“Sanjiv Goenka started abusing Rishabh Pant in the dressing room after LSG vs PBKS loss.” – @Crickaith
Is season mein LSG ne 3 matches mein se 2 haar chuki hai. Pehla thriller match unhone one-wicket se Delhi Capitals ke against haar diya, jahan Pant ne crucial stumping miss ki thi. Dusre match mein unhone SRH ko 5 wickets se haraaya. Lekin Pant ka form ab tak fail raha hai – pehle match mein 6-ball duck, doosre mein 15 runs, aur home match mein sirf 2 runs.
Punjab Kings ki asaani se jeet: LSG ne 171/7 ka decent total banaya thanks to Nicholas Pooran (44), Ayush Badoni (41), aur Abdul Samad (27*). Lekin PBKS ne easily chase kar liya with Prabhsimran Singh, Shreyas Iyer aur Nehal Wadhera ke zabardast knocks se – sirf 22 balls bachi thi match jeetne ke liye.
Pant ne pitch ko bola villain: Post-match, Pant ne kaha ki unka target slow wicket tha but pitch ne unka saath nahi diya.
“Total enough nahi tha, 20-25 runs short the. Slow wicket ki ummeed thi, but aisa hua nahi. Har player apni taraf se best de raha hai. Isse seekhna hoga aur aage badhna hoga,” – Pant at presentation
Agla match LSG ka hoga Mumbai Indians ke against apne home ground par – ek aur tough battle taiyaar hai. Kya Pant pressure mein tootenge ya comeback karenge? Yeh dekhna ab interesting hoga!
