IPL 2025 mein Gujarat Titans (GT) ke captain Shubman Gill ne apni team ko ek aur zabardast jeet dilayi, jab unhone Royal Challengers Bengaluru (RCB) ko unke hi ghar, M. Chinnaswamy Stadium, Bengaluru mein 8 wickets se hara diya.
Pehle match mein Punjab Kings (PBKS) ke against har ke baad Gill par captaincy ko lekar kaafi sawaal uthaye gaye the. Lekin lagta hai Gill ne criticism ko motivation bana liya, kyunki GT ne agle do matches mein Mumbai Indians aur ab RCB ko harakar comeback ka dhamaka kar diya hai.
RCB ke khilaf jeet ke baad, Gill ne social media par ek post daal kar critics ko classy tareeke se jawab diya. Unhone ‘X’ (formerly Twitter) par ek tasveer ke saath caption likha:
“Eyes on the game, not the noise.”
Is powerful one-liner se Gill ne clearly dikha diya ki wo sirf apne game par focus kar rahe hain, na ki bahar ki baaton par.
Match ke baad post-match presentation mein Gill ne apni team ki tarifon ke pul bandh diye. Unhone bowlers ki tarif ki jo starting overs mein hi RCB ke key batsmen ko pavilion bhej kar match unke favour mein kar diya.
Gill ki leadership ab solid lag rahi hai, aur agar yeh momentum bana raha, toh GT iss IPL mein ek strong contender ban sakti hai.
Shubman Gill ne sirf bat se nahi, apne words se bhi game jeet liya.
