Lucknow Super Giants ne IPL 2025 ka apna pehla home match jeet liya, wo bhi mighty Mumbai Indians ke against. 12-run ki jeet ne fans ko toh khush kar diya, lekin team ke liye khushi thodi si bittersweet ho gayi.
Captain Rishabh Pant par laga Rs 12 lakh ka fine for maintaining a slow over rate. Ye unka team ka pehla offence tha under Article 2.22 of the IPL Code of Conduct. Agar aage aise 2 aur offences hote hain, toh suspension bhi ho sakta hai – lekin naye rules ke hisaab se captain ab turant ban nahi hoga.
Dusri taraf, LSG ke naye superstar spinner Digvesh Rathi bhi controversy mein aa gaye. Mystery spinner ne Naman Dhir ko out karke phir se kiya apna iconic ‘notebook celebration’, jis ke baad un par laga 50% match fees ka fine. Unka offence aata hai Level 1 – Article 2.5 ke andar. Ab unke paas hai total 3 demerit points, aur agar next match mein KKR ke against fir se aise celebration hua, toh ho sakta hai one-match suspension.
Rathi ne ab tak IPL 2025 mein kamaal ka performance diya hai – 4 matches mein 6 wickets ke saath wo Purple Cap race mein 8th number par hain. Unka economy rate hai sirf 7.62, jo unki mystery bowling ko aur bhi dangerous banata hai. Sirf Rs 30 lakh mein auction mein pick hone ke baad, unhone LSG ka best bowling asset ban kar dikha diya hai.
Ab sabki nazar hogi LSG ke agle match par, especially Rathi ke celebration par. Kya wo apne emotions ko control kar payenge ya phir ban lag jayega unke IPL journey par temporary brake? Yeh dekhna hoga.
IPL ka drama full-on hai – jeet ke baad bhi khabar banti hai!
