IPL 2025 mein Mumbai Indians ki musibat khatam hone ka naam hi nahi le rahi. Ek aur haar – is baar Lucknow Super Giants (LSG) ke khilaaf – ne team ke fans aur experts dono ko hairaan kar diya. Lekin sabse zyada charcha mein raha Hardik Pandya ka ek questionable decision final over mein.
Ekana Stadium, Lucknow mein MI ko chahiye the 22 runs last over mein. Hardik ne shuruat ek chhakka maar kar ki, equation ho gaya 16 off 5 balls. Agla ball par 2 run liye aur strike retain kar li. Lekin uske baad, jab ball chhod sakte the ya single le kar Mitchell Santner ko strike de sakte the, Pandya ne mana kar diya. Aakhri 3 balls mein 14 chahiye the, par match nikal gaya haath se – aur controversy shuru ho gayi.
Murali Kartik, former India cricketer aur current commentator, ne Cricbuzz par khul kar bola:
“Main samajh nahi paaya MI kya karna chahti thi. Agar Tilak Varma ko retire kar diya, matlab unka din acha nahi tha, toh Santner ko is umeed mein bheja hoga ke woh bade shots maar sakta hai. Toh phir final over mein usko strike kyun nahi diya? Jo shots Pandya miss kar gaya, kya pata Santner unko chhakka maar deta.”
“Mujhe lagta hai MS Dhoni ne yeh trend start kiya tha – singles deny karna. Ab kaafi players yeh kar rahe hain,”
Ye statement clearly indicate karta hai ki Kartik unhappy hai Pandya ke approach se. Mumbai Indians ki yeh IPL 2025 mein chauthi haar thi – 4 matches mein sirf ek jeet. Ab MI points table mein 7th position par hai.
Agla match Royal Challengers Bengaluru (RCB) ke against hai, 7 April ko Wankhede Stadium, Mumbai mein. Fans ko ab bhi umeed hai ki team comeback karegi, lekin agar aise hi decisions liye jaate rahe, toh comeback mushkil lagta hai.
