Chennai, April 5: IPL 2025 ka ek aur dhamakedaar match, lekin is baar pitch se zyada baatein ho rahi hain stands ki. Aur wajah hai – MS Dhoni ke maa-baap, Pan Singh aur Devaki Devi, jo pehli baar Chepauk stadium mein nazar aaye CSK vs DC match ke dauraan!
Yeh rarely hota hai ki Dhoni ke parents IPL match dekhne aaye ho, aur unki presence ne fans ko ek hi baat sochne par majboor kar diya – “Kya yeh Dhoni ka last season hai?”
“MS Dhoni’s parents are Watching the match, for the first time ever I have seen them in limelight 🫡 Bro I can’t digest Retirement trauma of Dhoni if it happens 🥲 #CSKvDC”
— Utkarsh 🇮🇳🇮🇱 (@utkarsh_dhoni), April 5, 2025
43 saal ke Dhoni ab apna 18th IPL season khel rahe hain – ek aisa record jo sirf unhi jaise legend ke naam ho sakta hai. Wicket ke peeche unki reflexes aaj bhi jawaan lagti hain, lekin pichhle kuch matches mein unki timing aur batting order par sawal uth rahe hain. RCB ke khilaaf 50-run ki haani mein bhi woh late aakar crease par utare, jab game almost haath se nikal chuka tha.
Par koi shak nahi – Dhoni ki captaincy IPL mein ek misaal hai. 5 IPL titles, 2 Champions League T20 trophies, aur 100+ wins ke sath woh sabse successful captain hain. Ab tak unhone 267 IPL matches khele hain, jisme 5,289 runs banaye hain with an average of 39.18 aur strike rate of 137.70. CSK ke liye alone, 4,715 runs at an average of 40.30 – that’s Dhoni’s legacy!
Match ki baat karein toh DC ke captain Axar Patel ne toss jeetkar batting choose ki. KL Rahul ke 77-run ke dhamake se DC ne 183/6 ka score banaya. CSK ke liye Khaleel Ahmed shine kiye with 2/25 ka spell.
Chennai Super Kings (Playing XI): Rachin Ravindra, Devon Conway, Ruturaj Gaikwad(c), Vijay Shankar, Ravindra Jadeja, MS Dhoni(w), Ravichandran Ashwin, Noor Ahmad, Mukesh Choudhary, Khaleel Ahmed, Matheesha Pathirana.
Impact Subs: Shivam Dube, Jamie Overton, Shaik Rasheed, Kamlesh Nagarkoti, Nathan Ellis.
Delhi Capitals (Playing XI): Jake Fraser-McGurk, KL Rahul(w), Abishek Porel, Tristan Stubbs, Sameer Rizvi, Axar Patel(c), Ashutosh Sharma, Vipraj Nigam, Mitchell Starc, Kuldeep Yadav, Mohit Sharma.
Impact Subs: Mukesh Kumar, Karun Nair, Darshan Nalkande, Donovan Ferreira, Tripurana Vijay.
Toh kya yeh Dhoni ka last roar hai Chepauk mein? Abhi confirm kuch nahi, lekin parents ka aise match dekhna… fans ke dil mein emotional storm toh la hi gaya.
