India ne T20 World Cup 2024 aur Champions Trophy 2025 jeet kar duniya ko ek baar phir dikhaya ki white-ball cricket mein unka koi jawab nahi! Lekin Rohit Sharma ke T20Is se retire hone ke baad, sabse bada sawaal hai – next captain kaun?
Jab sabko lag raha tha ki Hardik Pandya captaincy ke liye clear choice honge, tabhi ek twist aaya jab Suryakumar Yadav ne T20I captaincy ka role le liya. Wahin, Shubman Gill filhal ODI vice-captain hain. Lekin ab Kapil Dev ne game change kar diya hai!
“Pandya is relatively young and can build a team around him for the next ICC events,” – Kapil Dev
Hardik ka leadership record IPL mein kaafi impressive raha hai. IPL 2022 mein Gujarat Titans ko champion banane ke baad, woh 2023 mein bhi final tak team ko le gaye. Phir aayi IPL 2024 auction, jahan Mumbai Indians ne unhe wapas laake captain bana diya – aur tab se discussions aur debates ka silsila chalu ho gaya.
Filhal, Hardik sirf white-ball formats mein hi active hain, aur unka Test cricket se distance banana kaafi noticeable hai. Unka last red-ball appearance 6 saal pehle hua tha, aur domestic red-ball cricket mein bhi woh nahi khelte.
Kapil Dev ne clearly keh diya ki agar Hardik Test cricket nahi khelte, toh India ko multi-format captains ka model adopt karna padega.
“Ideally, Hardik should also play Test cricket and since he isn’t playing, India will need multiple captain for three formats,” – Kapil Dev
Toh kya Hardik Pandya banenge India ke naye white-ball captain? Ya kisi aur ko milega yeh bada moka? Fans ke liye yeh ek interesting phase hai, jahan ek naye era ki shuruaat hone wali hai!
