IPL 2025 mein ek aur dhamaka hone wala hai, aur is baar wajah hai Jasprit Bumrah ki epic return! Mumbai Indians ke legendary pacer ne finally MI camp join kar liya hai aur practice mein pura tewar dikhaya. Lekin sabse highlight moment tab aaya jab batting coach Kieron Pollard ne khushi mein Bumrah ko uthakar hawa mein jhat se le liya! 🔥
Yeh moment dekh kar fans ka reaction bhi zabardast tha — kuch ne toh khushi mein cheer kiya, par kai logon ne Pollard ko warning di: “Bhai, sambhalke! Bumrah abhi-abhi rehab se wapas aaya hai!”
Bumrah, jo Border-Gavaskar Trophy ke baad se field se door the, ab completely fit hain. Unhone apna rehabilitation process BCCI ke Centre of Excellence mein complete kiya aur 6 April ko MI squad ka hissa ban gaye.
🎶 “Naaaaaaant’s Ingonyama Bagithi Baba!” 🎶 background mein bajta raha jab Bumrah ne practice ground mein entry maari 🦁
#MumbaiIndians #PlayLikeMumbai #TATAIPL #MIvRCB
pic.twitter.com/g9aVsorOhj
Practice session mein Bumrah ne nets mein bowling bhi ki, aur dikha diya ki unki pace aur accuracy ab bhi top-notch hai. MI ke head coach Mahela Jayawardene ne press conference mein confirm kiya ki Bumrah RCB ke against match ke liye available rahenge.
“He’s available, he’s training today, and should be available [for the RCB game]. He arrived last night. He had his sessions with NCA [now Centre of Excellence] to finalise that, he’s been handed over to our physios. He’s bowling today, so all good,”
— Mahela Jayawardene, MI Coach
Waise, RCB ke against Bumrah ka record bhi kaafi strong hai — 19 matches mein 29 wickets with an average of 19.03. Toh fans taiyaar ho jaao, kyunki Bumrah ki return MI ke liye ek game-changer ho sakti hai!
