Bhuvneshwar Kumar Ka Tehelka – IPL History Mein Sabse Zyada Wickets!
Mumbai ke Wankhede Stadium mein RCB aur MI ke beech ek dhamakedar match khela gaya, jahan Royal Challengers Bengaluru ne Mumbai Indians ko hara kar apni IPL 2025 campaign ko wapas track par la diya. Match mein jaise hi Virat Kohli aur Rajat Patidar ne batting ka jalwa dikhaya, waise hi ek aur hero spotlight mein aa gaya – Bhuvneshwar Kumar.
Historic Moment: Bhuvneshwar Kumar Ne Toda Bravo Ka Record
Match ke dauraan, Bhuvneshwar ne 4 overs mein 48 runs diye aur Tilak Varma ka important wicket liya. Isi ke saath unhone apne IPL career ka 184th wicket liya, aur Dwayne Bravo (183 wickets) ka record tod diya. Ab Bhuvi ban chuke hain IPL ke sabse successful pacer!
Top 5 Pacers in IPL History (Ab Tak)
- Bhuvneshwar Kumar – 184 wickets
- Dwayne Bravo – 183 wickets
- Lasith Malinga – 170 wickets
- Jasprit Bumrah – 165 wickets
- Umesh Yadav – 144 wickets
RCB Ka Wankhede Mein Historic Comeback
Is match mein RCB ne 10 saal baad Wankhede Stadium mein MI ko haraya. Toss haarne ke baad pehle batting karte hue RCB ne 221 runs ka bada score banaya. Virat Kohli ne classy 67 runs banaye, Rajat Patidar ne 64 ki zabardast innings kheli, aur Jitesh Sharma ne quickfire 40 (19 balls) ka contribution diya.
MI Ka Chase Aur Collapse
MI ke openers Rohit Sharma aur Ryan Rickelton powerplay mein hi out ho gaye. Suryakumar Yadav aur Will Jacks ka bhi kuch khaas nahi raha. Lekin Tilak Varma ne 56 runs (29 balls) banake match mein umeed jagayi, aur Hardik Pandya ne bhi 15 balls mein 42 ka tezz knock maara. Par dono 3 balls ke andar out ho gaye aur match MI ke haathon se nikal gaya.
RCB Bowlers Ka Solid Performance
- Krunal Pandya – 4 wickets
- Josh Hazlewood – 2 wickets
- Yash Dayal – 2 wickets
Toh doston, Bhuvneshwar Kumar ne ek baar fir prove kar diya ki experience aur consistency ka koi jawab nahi hota. Bravo ka record todkar unhone IPL ke itihaas mein apna naam sunehre aksharon mein likhwa diya hai!
