IPL 2025 mein Mumbai Indians ke opener aur star batter Rohit Sharma abhi tak apne naam ke hisaab se perform nahi kar paaye hain. Sirf 38 runs in 4 matches, aur wo bhi average sirf 9.5 ka! Is disappointing form par cricket legend Sunil Gavaskar ne ek kadak tipni ki hai.
JioHotstar ke MI vs RCB match ke dauraan Gavaskar ne bataya ki Rohit Sharma ka powerplay mein out hona MI ke liye har baar ek bada jhatka ban gaya hai. Is season ke har match mein Rohit powerplay ke andar hi out hue hain, jiski wajah se Mumbai Indians ka top-order hil gaya hai.
“Over the next couple of games, they’ll be hoping for a solid knock. Even if he doesn’t get a big score immediately, if he can bat through the power-play into the 8th or 9th over and score a steady 30–40, that will help build confidence.”
Gavaskar ne ye bhi kaha ki Rohit ke paas talent ki kami nahi hai, lekin unki shot selection mein thoda control zaroor chahiye. Agar Rohit thoda composed khelte hue powerplay survive kar sakein, toh MI ko ek strong start mil sakta hai jo unki jeet ki possibilities badha dega.
“But when he gets out in the powerplay, it hurts — whether it’s for Mumbai Indians, India, or any team he’s playing for. He has so much to contribute. I believe his shot selection needs a bit of tempering. You have to be aggressive and score as much as possible in the first six overs, but choosing the right risks is key. If he finds that balance, he’ll be back to scoring big runs again.”
Agla match Mumbai Indians ka April 13 ko Delhi Capitals ke khilaaf hai, aur fans ko umeed hai ki Rohit Sharma iss baar apni rhythm wapas paayenge. Gavaskar ke insights se yeh toh clear hai – agar Rohit ne shot selection ko samjha, toh unka willow fir se run barsaayega!
