IPL 2025 ka 22nd match bana ek aisa drama jahan fielders ne literally ball se dosti tod di! Punjab Kings (PBKS) aur Chennai Super Kings (CSK) ke beech khele gaye match mein total 8 catches chhode gaye, jiska asar seedha match ke result par pada. Even star players jaise Rachin Ravindra aur Lockie Ferguson bhi basic fielding karne mein fail rahe.
Is hilarious fielding display par former India all-rounder Irfan Pathan ne X (Twitter) par ek savage troll maar diya:
“8 drop catches in the game today. Itne to legend league mein Nahi chorte bhai.” – Irfan Pathan (@IrfanPathan)
Unka point clear tha – retired players ki league mein bhi aisa nahi hota!
Gaikwad ne bola – Fielding ka maza lena seekho!
CSK ke captain Ruturaj Gaikwad ne post-match presentation mein apni team ke fielding efforts ko kaafi disappointing bataya:
“Last four games mein sirf fielding hi farq la rahi hai. Catch chhodte hain aur wahi batsman 30-40 run jod deta hai.”
“Main game se pehle bhi bola tha – fielding ka maza lena zaroori hai. Nervous hoge to catch chhodega hi. Agar standout fielder banna chahte ho, to run-out ya 2-3 extra runs bachao, tab team jeetegi.”
Stephen Fleming bhi gusse mein dikhayi diye
CSK ke head coach Stephen Fleming ne team ke 4th consecutive loss ke baad frustration clearly show kiya. Unhone fielding ko is defeat ka core reason bataya:
“Game literally fielding mein hi haara. Sloppy efforts aur pressure mein galtiyan hui. Arya ke against humne momentum khodiya.”
Youngster Priyansh Arya ko do baar drop kiya gaya aur usne iska pura faayda uthate hue 103 runs sirf 42 balls mein jod diye.
“Hum 18 runs se haar gaye – agar teen chhakkon ki jagah catches le lete to kahani alag hoti. Yeh season ab tak kaafi frustrating raha hai.”
Ab CSK ke paas ek aur moka hoga apna season theek karne ka jab wo April 11 ko apne home ground par Kolkata Knight Riders (KKR) ka saamna karege.
Ab dekhna yeh hai – kya fielders seekhenge ya phir fans ko phir se memes banane ka moka milega?
