IPL 2025 ka 29th match tha – Delhi Capitals (DC) vs Mumbai Indians (MI). Match mein runs ki baarish ho rahi thi, lekin ek pal aisa bhi aaya jahan cricket se zyada spotlight chali gayi ek tension bhare face-off par – aur woh tha Jasprit Bumrah aur Karun Nair ke beech ka heated moment.
Karun Nair ne comeback kiya style mein – 40 balls mein 89 runs, 22 balls mein half-century! Delhi Capitals ke liye match-winning knock lag raha tha. Jake Fraser-McGurk ke golden duck ke baad Nair ne impact substitute ke roop mein entry maari aur MI ke strong bowling line-up ka samna kiya. Bumrah, Deepak Chahar, Ashwani Kumar, aur Hardik Pandya jaise bowlers ke against Nair ne apni domestic form ko IPL mein replicate kiya.
Phir aayi woh moment jisne sabka attention chura liya. Match ke dauraan ek accidental bump hua Bumrah aur Nair ke beech, jiske baad dono players ek doosre se ulajh gaye. Yeh sab dekh kar crowd bhi shocked tha. Strategic timeout ke dauraan dono players ek dusre se baat karte nazar aaye, aur baad mein Karun Nair ko Hardik Pandya ko situation explain karte dekha gaya. Hardik ne calm demeanour dikhate hue matter ko settle karne ki koshish ki.
Rohit’s Reaction on whole Bumrah-Karun Nair Controversy 😭😭😭
pic.twitter.com/vUDQM8FiZW
Yeh chhoti si tiff ek reminder thi ki IPL sirf cricket nahi, emotions ka bhi battleground hai. Jab high-stakes match ho, to thoda drama toh banta hai! Karun Nair ko baad mein Mitchell Santner ne out kar diya, lekin unka 89-run knock ne DC ko ek strong position mein laa diya tha, jahan chase impossible nahi lag raha tha.
Toh cricket ke saath-saath action, emotions, aur thoda masala bhi chahiye? IPL 2025 ne sab kuch deliver kiya!
