IPL 2025 ka mazaa chalu hai aur match number 29 mein, Delhi Capitals ne Mumbai Indians ko toss pe hi surprise de diya! Axar Patel ne toss jeetke pehle bowling chunli, lekin sabse badi khabar yeh thi ki star player Faf du Plessis iss match mein injury ke wajah se nahi khelenge.
Yeh match ho raha hai Arun Jaitley Stadium, Delhi mein – Sunday, 13 April ko. DC abhi tak unbeatable hai – 4 matches jeet chuki hai aur table ke top pe bani hui hai. Dusri taraf, MI ka haal kuch khaas nahi hai – 5 matches mein sirf 1 hi jeet, aur woh bottom half mein fasi hui hai.
Axar Patel ne kaha: “Hum pehle bowl karenge. Hum chase achha kar rahe hain, aur yeh is stadium ka pehla match hai toh pitch ka idea nahi hai. Purane stats pe bharosa nahi karna chahiye. Challenge yeh hai ki plan follow karein aur himmat banaye rakhein, chahe chhakka hi kyu na lage. Faf injured hai.”
Hardik Pandya ka response: “Baatein yeh ho rahi hain ki galtiyan kahan ho rahi hain. Experience ki kami nahi hai iss team mein. Panic karne ka koi faayda nahi. Margin of error kam hai, par umeed hai aaj sab sahi hoga. Hum same team ke saath ja rahe hain.”
DC vs MI Playing XIs:
Delhi Capitals: Jake Fraser-McGurk, Abishek Porel, KL Rahul (wk), Tristan Stubbs, Axar Patel (c), Ashutosh Sharma, Vipraj Nigam, Mitchell Starc, Mohit Sharma, Kuldeep Yadav, Mukesh Kumar
Mumbai Indians: Rohit Sharma, Ryan Rickelton (wk), Will Jacks, Suryakumar Yadav, Tilak Varma, Hardik Pandya (c), Naman Dhir, Mitchell Santner, Deepak Chahar, Trent Boult, Jasprit Bumrah
Ab dekhna yeh hoga ki kya DC apni winning streak ko banaye rakhti hai ya MI iss baar tables turn karegi. IPL fans ke liye yeh match full paisa vasool hone wala hai!
