Jaipur ke Sawai Mansingh Stadium mein IPL 2025 ka ek zabardast match dekhne ko mila, jahan Royal Challengers Bengaluru (RCB) ne Rajasthan Royals (RR) ko 9 wickets se harakar tournament mein apni chhothi jeet darj ki.
RCB ke openers Virat Kohli aur Phil Salt ne aag laga di! Dono ne powerplay mein hi game ka mood set kar diya, jahan Phil Salt ne sirf 33 balls mein 65 runs ki tezi se inning kheli, aur Kohli ne 62* runs banakar match finish kiya – wo bhi sirf 17.3 overs mein!
“Absolutely (jab poocha gaya ki 170 ka score kaafi tha?) Mujhe lagta hai ki toss harne ke baad, dhoop mein batting karna pehle 10 overs tak kaafi tough tha. Humein pata tha RCB humein powerplay mein pressure mein daalegi aur wahi hua. Game wahi jeet gaye woh log.” – Sanju Samson, RR Captain
Sanju Samson ne match ke baad fielding lapses par bhi apna gussa nikaala. RR ke fielder ne powerplay ke dauraan Kohli aur Salt – dono ke catches chhode, aur yahi unka sabse bada regret bana. Dono ne fifties jadi aur RR ke sapne bikhar diye.
RCB ki ye jeet unke liye tournament mein ek strong comeback hai, jabki RR ko ab apni galtiyon se seekh kar agla match jeetne ki planning karni hogi.
Ab dekhna ye hoga ki kya RCB is momentum ko banaye rakh payegi ya nahi!
