New Delhi: Karun Nair ne IPL 2025 mein apni comeback story likh di hai – aur woh bhi style mein! 3 saal baad wapas aaye aur Delhi Capitals ke liye impact player ban kar ek zabardast 40-ball 89 run ki innings kheli. Mumbai Indians ke against match mein, Nair ne na sirf form dikhayi, balki Bumrah jaise legendary bowler ko bhi target banaya – sirf 9 balls mein 26 runs uda diye!
“Obviously, I was confident, and I was playing; I was in the flow, and I didn’t want to stop the flow… he is the best bowler at the moment in world cricket, so I had to be very watchful…”
Bumrah ke sath ek chhoti si tussle bhi dekhne ko mili jab dono players ka collision ho gaya. Lekin aggression ke saath Nair ka intent bhi clearly visible tha – yeh innings ek statement thi. Halanki DC 12 runs se match haar gaya, par Nair ne sabko yaad dila diya ki unmein abhi bhi dum hai.
Mentally Ready Tha Comeback Ke Liye
“We always knew kuch log bench par ready the. Jab Faf du Plessis injured hua, mujhe chance mila. Mentally main ready tha. Ab mujhe capitalize karna hai is moka par,”
33-year-old Nair ne bataya ki woh pehle se hi mentally prepared the, aur jab chance mila, unhone poori taiyari ke saath usse cash kiya.
Team Effort Ka Laga Fatt
DC ne ek waqt 135/2 se shuruaat ki thi, lekin wickets girte gaye aur poori team 193 pe all out ho gayi. Nair ne bataya ki naye batter ke liye aake instantly hit karna mushkil hota hai, aur wahi unke downfall ka reason bana.
“Set batsman ko end tak rehna chahiye tha. Humne regular intervals par wickets diye, aur MI ke bowlers ne bhi pressure dala.”
Partnerships Ki Kami Mehsoos Hui
“T20 mein partnerships important hoti hain. Har koi quick runs banana chahta hai, lekin humein seekhna padega aur agle matches mein better karna padega.”
DC ki net run rate ko iss loss se nuksan hua hai aur ab team second position pe aa gayi hai. Agla match Rajasthan Royals ke against 16 April ko hone wala hai – fans ab Karun Nair ki next blast ka intezaar kar rahe hain!
Making an IMPACT with INTENT 👊 Karun Nair takes on Jasprit Bumrah to reach his #TATAIPL FIFTY after 7⃣ years 💙
