Chennai Super Kings ne ek baar phir dikhaya ki unka experience aur composure hi unki sabse badi taqat hai. April 14 ko Lucknow ke Ekana Stadium mein CSK ne Lucknow Super Giants ko doosri baar iss season hara diya, woh bhi 5-wicket ke convincing margin se.
Is jeet ka asli hero bane MS Dhoni, jinhone ek explosive cameo mein sirf 11 balls par 26 runs jod diye. Unka saath diya Shivam Dube ne, jo 43* runs bana kar not out rahe. Dono ne milkar 28 balls mein 57-run ki match-winning partnership kar daali.
“Jeetna hamesha accha lagta hai. Pehle kuch matches hamare favour mein nahi gaye, lekin is jeet se pura team confident hoga. Jab aap ghar ke bahar khelte ho, toh batting unit thoda zyada accha perform karta hai. Chennai ke pitches thode slow hote hain, aur wahan par early wickets gir jaate hain. Lekin yeh jeet sab kuch badal sakti hai,” Dhoni ne post-match presentation mein kaha.
“Timid cricket nahi khelna chahiye. Hume aise wickets chahiye jo batters ko confident banaye. Shaik Rasheed ki performance dekh kar accha laga, nets mein bhi woh consistently accha khel raha hai. Noor ne bhi kamaal ki bowling ki. Honestly, mujhe laga award usse milna chahiye tha,” Dhoni ne added kiya.
Lucknow ki taraf se, Ravi Bishnoi ne 3 overs mein 2 wickets le kar sabse achhi bowling ki. Unhone Ravindra Jadeja aur Rahul Tripathi ko out kiya, lekin surprising baat yeh thi ki uske baad unko dobara bowling nahi mili. Captain Rishabh Pant ne match ke baad bataya ki unka plan Bishnoi ko later overs mein lana tha, lekin Dhoni aur Dube ne mauka hi nahi diya.
Dhoni ka wicketkeeping aur batting dono mein magic dekhne mila, jiske chalte unhe Player of the Match award mila. Is jeet ke saath CSK ne ek bar phir apni dominance dikhayi, aur tournament mein wapas dumdaar entry li.
