IPL 2025 ka excitement bas ground tak hi seemit nahi hai! Royal Challengers Bengaluru (RCB) ke star batter Virat Kohli ne Rajasthan Royals ke khilaaf dhamakedar 62*(45) ki innings kheli aur RCB ko ek aur zabardast jeet dilayi.
Jaipur ke Sawai Mansingh Stadium mein RCB ne RR ko 9 wickets se haraya. Lekin asli entertainment toh jeet ke baad dressing room mein hua, jab Tim David ne mazaak karte hue Kohli ka ek bat chhupa diya!
“Where is my bat?” – Kohli ne gusse bhare andaaz mein apne kit bag ko check karte hue poocha.
“I want to see how long it took Virat to realise we’ve taken one of his bats,” – Tim David ki mischievous smile ke saath ye lines video mein suni gayi.
“I counted my bats yesterday, it was seven. Now, it’s xxxxxxx six,” – Kohli ne apni signature style mein frustration dikhaya.
RCB ke official handle ne ye funny moment social media pe share kiya, jahan caption mein likha tha:
“Tim David ka prank on Virat Kohli 😂 Dressing room banter on point. What did Tim David take from Virat’s bag? Let’s find out 😉”
Jald hi Kohli ne David ke bag ko check kiya aur bat wapas le aaya. Lekin David ne seedha seedha bola:
“I didn’t take it. I just borrowed it,”
“Tum sabko pata tha na?” – Kohli ne muskurate hue aur thoda sa gussa dikhate hue kaha, with a few spicy words 😅
“Virat was batting so nicely that we thought we’ll see how long it will take him to realise one of his bats is missing… He was too happy with himself, obviously,” – Tim David ne apni side ki kahani sunayi.
“I think he was playing on Virat’s kinder side with the way we won. He misread that one, big misread,” – Phil Salt ka sassy take bhi mila is poore incident par.
RCB ki Solid Opening: Salt-Kohli ne machaya hungama
174 ka target tha lekin RCB ne usse cakewalk bana diya. Phil Salt ne powerplay mein aag laga di – unhe do baar drop kiya gaya aur unhone RR ke bowlers ka pura faida uthaya. Sirf 6 overs mein RCB ka score tha 65/0.
Salt aur Kohli ne 92-run ki opening partnership banayi. Jab Salt out hue (Kumar Kartikeya ke haathon), toh Kohli aur Padikkal ne baaki ka kaam khatam kiya. Padikkal ne 40*(28) aur Kohli ne 62*(45) ki shandar innings kheli, RCB ne match 15 balls pehle jeet liya.
Virat Kohli – Orange Cap ki Race Mein Wapas!
36-year-old Kohli ab Orange Cap ki race mein top 5 mein aa gaye hain. Unke naam hai 248 runs, average 62 ke saath, aur 3 half-centuries bhi already!
Ab batao, aise entertaining moments dekhne ko roz milte hain kya? Dressing room ho ya ground – RCB full entertainment mode mein hai! 🔥
