India ke batting superstar aur current white-ball captain Rohit Sharma ne ek honest aur emotional confession diya hai jo har cricket fan ke dil ko chhoo lega. Rohit ne bataya ki 2019 World Cup ke baad unka pura cricketing mindset badal gaya — jahan pehle wo personal milestones jaise hundreds ke peeche bhagte the, ab unka focus sirf ek hi cheez par hai: Team ko jeet dilana.
2019 World Cup mein Rohit ne record 5 centuries banaye the — lekin unka kehna hai ki jab India semi-final haara, toh unko realise hua ki wo saari centuries kisi kaam ki nahi thi agar team tournament nahi jeet paayi.
“It’s about winning games, it’s about winning trophies, it’s about winning tournaments – Ye baat maine 2019 WC mein samjhi. Maine 5 Hundreds banayi, lekin semi-final haare. Agle din flight mein baitha aur socha ki ye runs kisi kaam ke nahi the. Tab se mera mindset badal gaya,” – Rohit Sharma, Beyond23 Cricket Podcast with Michael Clarke.
Rohit ne yeh bhi bataya ki jab se unhone Team India ki captaincy sambhali hai, unka maanna hai ki har player ko team-first approach adopt karni chahiye. Unhone clearly kaha ki individual performances se zyada zaroori hai team ki jeet.
“Jab se maine Indian team ki captaincy start ki hai, tab se mujhe lagta hai ki sirf main nahi, balki har player ko yeh soch adopt karni chahiye – team ko pehle rakhna chahiye. Apne scores, wickets ya centuries ke peeche bhaagne se kuch nahi hoga agar team nahi jeet rahi.” – Rohit Sharma
Filhaal Rohit Sharma IPL 2025 mein busy hain, lekin unfortunately unka form kuch khaas nahi chal raha. Mumbai Indians ke former captain ne ab tak ke 5 matches mein sirf 56 runs banaye hain, with a disappointing average of 11.20. Unka agla match 17 April ko hoga against Sunrisers Hyderabad (SRH).
Lekin ek baat toh pakki hai — Rohit Sharma ka yeh naya avatar, jahan wo sirf team ki soch ke sath khel rahe hain, woh India ke liye bahut valuable sabit ho raha hai. Aur yahi approach ne India ko T20 World Cup 2024 aur Champions Trophy 2025 jeetne mein madad ki hai.
Ab dekhna yeh hai ki IPL mein Rohit kab apna magic wapas laate hain!
