IPL 2025 ka junoon apne peak par hai, aur isi beech ek aisa moment aaya jisne sabko hairaan kar diya. MS Dhoni, jo is waqt Chennai Super Kings (CSK) ko lead kar rahe hain, unka collab hua hai kisi aur nahi balki football ke god-level player Lionel Messi ke saath!
Ye dream combo dekhne ko mila Lays India ke latest advertisement mein, jahan Dhoni aur Messi ek saath football ke moves dikhate nazar aaye. Video Instagram par share hote hi viral ho gaya, aur fans ka kehna hai ki ye toh pure goosebumps moment tha!
View this post on Instagram
A post shared by Lay’s India (@lays_india)
Dhoni ka calm and composed style hamesha se fans ka favourite raha hai. Aur ab Messi ke saath unki chemistry dekh kar log emotional bhi ho gaye. RCB ke star pacer Bhuvneshwar Kumar ne pehle bhi kaha tha ki Messi aur Dhoni dono mein ek similar calmness hai. Bhuvi ne ye bhi bataya ki unka favourite footballer Messi hai, aur unhe Dhoni mein Messi ki jhalak dikhai deti hai.
Fun fact: Dhoni bachpan mein pehle football goalkeeper the, cricket toh baad mein aaya! Shayad isi liye unke footwork mein ek alag hi magic hai. Aur ab jab Messi ke saath unki jodi bani, toh social media ne bhi keh diya – “GOATs in one frame!”
MI vs CSK ka mega clash ab sirf ek match nahi, ek festival ban chuka hai – aur is ad ne uss hype ko next level pe le jaa diya hai. Don’t miss the match on April 20 at Mumbai’s legendary Wankhede Stadium!
