Mumbai Indians ne Sunrisers Hyderabad ko ek zabardast match mein 4 wicket se hara diya, aur is jeet ke hero rahe Will Jacks, jinhone ball aur bat dono se kamaal dikhaya.
MI ke captain Hardik Pandya ne match ke baad Will Jacks ki tareefon ke pul bandh diye. Hardik ne kaha ki team ne smart bowling ki, simple plans pe stick kiya aur crucial moments mein sahi decisions liye.
“The way we bowled was very smart and spot on. We stuck to simple, basic plans… Will Jacks ek gun fielder hai, gun overs daal sakta hai, aur jab zarurat padti hai to match bhi jita sakta hai. Jab 42 runs 42 balls mein chahiye the, humne patience rakha. Boundaries aate hi pressure hat gaya, aur humne end mein pedal daba diya.”
SRH ki batting shuruat mein theek thi — Abhishek Sharma ne 28 balls mein 40 aur Travis Head ne 29 balls mein 28 banaye. Heinrich Klaasen ne bhi 37 runs ki fight di, lekin team 162/5 par hi ruk gayi.
MI ke bowlers mein Will Jacks ne 2 wickets liye sirf 14 runs mein, aur Jasprit Bumrah ne bhi tight bowling karte hue 1/21 ke figures nikale.
Chase karte hue Rohit Sharma ne 16 balls mein 26 aur Ryan Rickelton ne 23 balls mein 31 run jodkar MI ko solid start diya. Phir Will Jacks ne 26 balls mein 36 run banaye aur Suryakumar Yadav ke saath 52-run ki partnership ki.
Tilak Varma (21* in 17 balls) aur Mitchell Santner (0*) ne MI ko jeet dilayi, wo bhi 11 balls pehle!
Is jeet ke saath Mumbai Indians points table mein seventh position pe aa gaye hain, jabki SRH abhi bhi struggle kar raha hai ninth spot pe, sirf 4 points ke saath.
