Wankhede Stadium mein laga T20 ka Tufan!
IPL 2025 ke MI vs CSK match mein Rohit Sharma ne ek zabardast comeback kiya, jismein unhone sirf 45 balls mein 76 runs jod ke Mumbai Indians ko Chennai Super Kings ke khilaf ek shandar 9-wicket victory dilayi. Saath hi Suryakumar Yadav ne bhi 30 balls mein 68 run thok ke CSK ke bowlers ki hawa tight kar di.
3 Saal baad mila MI ko CSK pe jeet ka swaad
Mumbai Indians ki yeh CSK ke khilaf pehli jeet thi 2022 ke baad. Uske baad ke 4 matches mein CSK ne lagataar MI ko haraya tha. Lekin is baar, Rohit aur Surya ke jodi ne aisa dhamaka kiya ke CSK ko match mein wapas aane ka mauka hi nahi mila.
CSK ki Shuruaat thi dhimi, lekin Jadeja-Dube ne sambhala
MI ke toss jeet ke baad fielding choose karne par CSK ne batting start ki, lekin Rachin Ravindra sirf 5 run bana ke out ho gaye. Debut kar rahe 17 saal ke Ayush Mhatre ne 15 balls mein 32 run maar ke thoda fight diya, lekin team 63-3 pe atki hui thi.
Phir Shivam Dube (50) aur Ravindra Jadeja (53*) ne milke ek 79-run ki partnership banayi aur CSK ka score 176/5 tak pahunchaya. Bumrah ne 2 wickets le ke MI ke liye crucial breakthroughs diye.
MI ki batting – Powerplay mein dhamaka, end tak dominaton
Chase ke dauraan, Ryan Rickelton jaldi out ho gaye (24), lekin uske baad Rohit aur Surya ne aisa partnership banaya jo CSK ke sapno ka satyanash kar gaya. Rohit ne starting mein aggressive shots lagaye, fir Surya ko attack karne diya. Match 26 balls pehle hi MI ne jeet liya – a total cruise!
Points Table ki Haalat
Is jeet ke baad Mumbai Indians ke 8 matches mein 8 points ho gaye hain, aur woh 6th position pe aa gaye hain. Wahin CSK ke liye halat aur kharab ho gayi hai – sirf 4 points ke saath woh table ke bilkul neeche bane hue hain. Net Run Rate bhi kaafi hurt hua hai.
Next Fixtures:
- MI vs SRH: April 23
- CSK vs SRH: April 25
Toh dosto, lagta hai Rohit Sharma ne wapas form pakad li hai, aur agar yeh jodi chalti rahi, toh MI ka IPL 2025 mein comeback pakka hai!
