IPL 2025 mein Gujarat Titans ke star bowler Mohammed Siraj ne sabko apni bowling se impress kar diya hai. Siraj ne ab tak 7 matches mein 11 wickets lekar tournament ke top wicket-takers mein jagah bana li hai. Lekin is success ke peeche ek emotional aur motivational journey hai jo kisi film ki script se kam nahi.
Siraj ke liye sab kuch itna smooth nahi tha. Champions Trophy 2025 squad se unka naam missing tha, jiske baad unhe Team India ke white-ball squads se bhi drop kar diya gaya. Aur toh aur, Royal Challengers Bengaluru – jahan Siraj 7 saal se the – ne bhi unhe release kar diya. Yeh sab ek player ke liye kaafi tough hota hai.
Lekin Siraj ne haar nahi maani. Champions Trophy miss karne ka dard unhone apne andar ek motivation mein badal diya. Training aur discipline par focus badhaya aur apne aap ko ek better player banaya. Yeh dedication Gujarat Titans ne bhi dekha, jinhone IPL 2025 mega auction mein unhe Rs 12.25 crore mein kharida.
“For a professional, an ICC event is incredibly important. I’ve always dreamed of playing in the Champions Trophy & doing well for my country, but perhaps it wasn’t written in my destiny. It was difficult to reconcile, but I made peace with myself, focusing on improving and performing better. That has given me immense motivation,” – Siraj via Cricbuzz
Iss puri journey mein ek aur naam hai jinhone Siraj ka constant support ban kar unki himmat badhayi – aur wo naam hai Virat Kohli.
Siraj ne recent interview mein bataya ki jab unki life aur career ke toughest moments chal rahe the, tab Virat Bhaiya ne unka saath diya. Kohli ne unpe hamesha bharosa rakha, jab doosre unke talent pe doubt kar rahe the. Yeh emotional support Siraj ke liye bohot bada morale booster bana.
“Virat Kohli bhaiya gave me a lot of backing and support during my tough phases. I’ve witnessed many ups and downs. And Virat Bhaiya backs me a lot in my down phase,” – Mohammed Siraj
Ab Siraj phir se form mein hai aur Gujarat Titans ke liye match-winner ban chuke hain. Unka next match 21 April ko hai, jahan GT ka muqabla hoga reigning champions Kolkata Knight Riders ke saath. Fans eagerly wait kar rahe hain Siraj ke next dhamake ka!
