Chandigarh mein hua IPL 2025 ka ek zabardast match, jahan Virat Kohli ne Punjab Kings ke against 73* runs ki unbeatable knock khel ke sabko impress kar diya. Royal Challengers Bengaluru (RCB) ne iss match mein Punjab Kings (PBKS) ko 7 wickets se hara diya, aur Kohli ko mila Player of the Match ka award.
RCB ki jeet ke baad Punjab Kings ne bhi Kohli ke liye apne official X (formerly Twitter) handle par tareefon ke pool baand diye. Unka teen shabdon ka tweet viral ho gaya:
Well played, Virat! 👏 — Punjab Kings (@PunjabKingsIPL) April 20, 2025
Kohli ki yeh innings sirf match-winner nahi thi, balki unhone iske saath ek aur record bhi tod diya. Ab Virat Kohli ke naam hai IPL history mein sabse zyada fifty-plus scores – total 67! Unhone Australia ke David Warner ko peeche chhod diya jinke naam hai 66 fifty-plus knocks.
Yeh Kohli ka IPL mein 8,326 runs banane ka record bhi aur solid banata hai. Unka average hai 39.27 aur strike rate 132.26. Best score? 113*. IPL mein unke 8 centuries bhi hain.
Punjab Kings ke against toh Kohli ka alag hi level ka record hai. Unhone ab tak 34 innings mein 1,104 runs banaye hain PBKS ke against, jisme ek century aur 6 fifties shamil hain. Recent scores against PBKS? 59, 77, 92, 1, & 50* – kaafi consistent!
RCB ab IPL 2025 points table mein third position par aa gayi hai – 8 matches mein 5 jeet aur 3 haar ke saath unke paas hain 10 points. PBKS bhi same win-loss ratio ke saath fourth spot pe hai. Ab RCB ka agla muqabla hoga Rajasthan Royals ke against, M. Chinnaswamy Stadium, Bengaluru mein.
Toh kya Kohli ka yeh form RCB ko IPL 2025 ka champion bana payega? Wait and watch!
