Wankhede Stadium mein IPL 2025 ka ek aur blockbuster match hua jab Mumbai Indians (MI) ne Chennai Super Kings (CSK) ka saamna kiya. Toss ke dauraan MI ke skipper Hardik Pandya ne pehle bowling ka faisla kiya, jabki CSK ke legendary captain MS Dhoni ne bhi wahi socha tha, lekin toss unke haq mein nahi gaya.
MI ne apni jeet wali playing XI mein koi badlav nahi kiya, jo pichhle match mein SRH ke khilaf kheli thi. Dusri taraf, CSK ne ek bold move lete hue 17 saal ke Ayush Mhatre ko IPL debut ka mauka diya, jinhone Rahul Tripathi ki jagah team mein entry ki.
Toss ke baad kya bole captains?
Hardik Pandya (MI Captain): “Hum bowling karenge. Yeh wahi wicket hai jahan humne RCB ke khilaf khela tha. Wicket acchi lag rahi hai, grass bhi kaafi hai. Hamare paas plan execute karne ka mauka hai. Team same hai, aur yeh rivalry hamesha exciting hoti hai.”
MS Dhoni (CSK Captain): “Hum bhi pehle bowl karna chahte the kyunki dew already set ho gaya hai. Hum table ke neeche hain, isliye ek-ek match pe focus karna zaroori hai. Bold cricket khelna padega, lekin strength samajh ke. Fielding mein improvement chahiye, aur partnerships key rahengi.”
Playing XIs
CSK: Shaik Rasheed, Rachin Ravindra, Ayush Mhatre, Ravindra Jadeja, Shivam Dube, Vijay Shankar, Jamie Overton, MS Dhoni (w/c), Noor Ahmad, Khaleel Ahmed, Matheesha Pathirana
Impact Players: Anshul Kamboj, Kamlesh Nagarkoti, Ramakrishna Ghosh, Sam Curran, Ravichandran Ashwin
MI: Ryan Rickelton (w), Will Jacks, Suryakumar Yadav, Tilak Varma, Hardik Pandya (c), Naman Dhir, Mitchell Santner, Deepak Chahar, Trent Boult, Jasprit Bumrah, Ashwani Kumar
Impact Players: Rohit Sharma, Corbin Bosch, Raj Bawa, Satyanarayana Raju, Robin Minz
Pitch Report
Simon Doull aur Michael Clarke ka kehna: “Pitch no. 8 pe match ho raha hai, jahan pehle bhi 430 runs ban chuke hain. Dimensions chhoti-badi hain, lekin pitch thodi dry lag rahi hai. Spin thoda zyada ho sakta hai, lekin dew factor chase karne wali team ko edge dega. Yeh ek high-scoring wicket hone wala hai.”
CSK vs MI: Head-to-Head Record
IPL mein MI aur CSK ka takraav 38 baar ho chuka hai. MI ne 20 matches jeete hain, jabki CSK ne 18 baar jeet haasil ki hai. Har baar yeh rivalry naye excitement ke saath aati hai!
Ab dekhna yeh hoga ki Ayush Mhatre ka debut match CSK ke liye kya naya chapter likhta hai. Aur kya Hardik Pandya ki team apne consistent form ko continue rakhegi ya Dhoni ke soldiers kuch naya kar dikhayenge?
