IPL 2025 mein Chennai Super Kings (CSK) ki halat kuch khaas nahi hai. Mumbai Indians (MI) ke khilaaf Wankhede Stadium mein milne wali 9-wicket ki karari haar ne CSK ko IPL points table ke bilkul neeche laakar khada kar diya hai. Team ne 8 mein se 6 matches haar diye hain, aur ab playoffs ka sapna dhundla lag raha hai.
“Humein samajhna hoga ki hum successful tabhi hue hain jab hum achha cricket khelte hain. Jab game humare favor mein nahi ho, toh emotions mein behne ke bajaye practical banna zaroori hai. 2020 bhi ek aisa season tha jahan hum struggle kiye the. Abhi bhi kuch chhoti chhoti cheezein—jaise catches—kaafi impact daal sakti hain,”
– MS Dhoni, post-match presentation ke dauraan
Dhoni ne yeh bhi kaha ki agar playoffs ke liye qualify karna mushkil ho gaya toh bhi unka focus hoga ek ‘secured 11’ banane par jo agle saal team ko comeback karane mein madad karega.
“Ab hum sirf ye dekh rahe hain ki existing holes ko kaise fill karein. Har match ko ek ek karke dekh rahe hain. Agar playoffs nahi bhi hua, toh bhi hum ek strong combination banana chahenge agle saal ke liye. Baar-baar players ko change karna nahi chahte,”
– Dhoni ne aage kaha
💫 Ayush Mhatre Ka Debut – Local Lad Ne Dil Jeet Liya
Wankhede mein 17 saal ke Ayush Mhatre ne IPL debut kiya aur apne short but impactful innings se sabko impress kar diya. Sirf 15 balls mein 32 runs, 4 chaukke aur 2 chakke laga kar unhone batting ka ek chhota masterclass diya. Sunil Gavaskar tak unke strokeplay se impress ho gaye!
👀 CSK Line-up Mein Kya Badlav Aa Sakte Hain?
20 saal ke Shaik Rasheed ko bhi kuch chances mile hain jahan unhone 27 aur 19 run banaye. Bench par bhi kaafi promising players hain jaise Andre Siddarth C, Vansh Bedi aur naye recruit South African youngster Dewald Brevis, jo injured Gurjapneet Singh ki jagah aaye hain. Brevis ka debut bhi kisi bhi match mein ho sakta hai.
Iske alawa Vijay Shankar aur England ke all-rounder Jamie Overton ko bhi apna impact dikhana abhi baaki hai. CSK ka agla match April 25 ko apne ghar par hoga against Sunrisers Hyderabad (SRH), jahan kuch naye combinations dekhne ko mil sakte hain.
Toh CSK fans, thoda patience rakho – Dhoni already agla season plan kar rahe hain. Kya pata, agle saal ka CSK ho ekdum fire! 🔥
