Jaipur mein IPL 2025 ka scene garam ho gaya hai! Rajasthan Royals (RR) ne RCA ad hoc committee ke convenor Jaideep Bihani ke match-fixing allegations ka zabardast jawab diya hai. Riyan Parag-led team ke Lucknow Super Giants ke khilaaf sirf 2-run ki haar ke baad Bihani ne kuch serious ilzaam lagaye the, jise RR ne turant jhutla diya.
RR ke senior official Deep Roy ne Bihani ke statements ko “false, baseless aur bina kisi evidence ke” bataya hai. Iske saath hi RR ne Rajasthan ke Chief Minister Bhajan Lal Sharma, Sports Minister, aur Sports Secretary ko ek formal complaint bhi bheji hai, demanding strict action against Bihani.
“Hum Bihani ke sare allegations ko puri tarah se reject karte hain. Aise public statements misleading hain aur RR, RMPL, Rajasthan Sports Council aur BCCI ki credibility ko nuksan pahucha rahe hain. Cricket ke integrity par bhi sawal uthte hain,” RR ne apne official statement mein kaha.
Rajasthan Royals ka kehna hai ki Bihani sirf isliye gussa hain kyunki RCA ko IPL 2025 ke management mein include nahi kiya gaya. Bihani ne media se baat karte hue kaha tha ki IPL ke liye pehle BCCI ne RCA ko hi letter bheja tha, na ki Zila Parishad ko. Unhone RR aur Zila Parishad ke beech MOU na hone ko excuse batakar khud ko side-line hone ka reason banaya.
“Ad hoc committee ko Rajasthan sarkar ne appoint kiya tha, ab tak 5 baar extension mil chuka hai. IPL ke liye pehle BCCI ne RCA ko letter bheja tha. Agar MOU nahi hai, to kya? Har match ke liye aap Zila Parishad ko paisa de rahe ho na?” Bihani ne News18 Rajasthan se kaha.
Playoffs? Ab Toh Sirf Miracle Hi Bacha Sakta Hai!
Rajasthan Royals ka is saal ka performance kuch khaas nahi raha. Team ne 8 mein se 6 matches haar diye hain aur abhi points table mein wo sirf SRH aur CSK se upar hai ā wo bhi net run rate ke wajah se. Playoffs ke chances ab bahut hi slim hain, aur har match ab unke liye must-win ban gaya hai.
Agla match unka Royal Challengers Bengaluru (RCB) ke khilaaf hai, aur wo bhi Sanju Samson ke injury ke wajah se uski absence mein.
