IPL 2025 mein Rishabh Pant ki form lagataar neeche ja rahi hai, aur ab unke excuses bhi kaam nahi aa rahe hain. Former CSK star aur current commentator Ambati Rayudu ne khul kar keh diya hai ki Pant ko apne decisions ki zimmedari leni hogi. Lucknow Super Giants (LSG) ke captain ne apne recent match mein kuch aise decisions liye jo fans aur experts dono ko hairaan kar gaye.
April 22 ko Delhi Capitals ke against Ekana Stadium mein, Pant ne khud ko batting order mein number 7 par bhej diya, jabki Abdul Samad, David Miller, aur Ayush Badoni unse pehle aaye. Result? LSG haar gayi woh bhi 8 wickets se, aur points table pe fifth position pe aa gaye.
“Pant ko ab decisions pe control lena hoga. Usse batting order mein upar aana chahiye. Ab aur excuses nahi chalenge. Captain hai toh zimmedari bhi uski hai. Aage jaake LSG ko kuch changes karne honge, jaise Mayank Yadav ko lana aur Pant ko higher position pe khilana,”
Rayudu ne yeh bhi kaha ki team ke issues ko public karne se behtar hai ki sab kuch dressing room ke andar hi solve kiya jaye.
“Pant ko khud pe onus lena chahiye. Team ki visuals bahar achhi nahi lagti. Achi teams apni problems andar hi solve karti hain. Dirty laundry ko sabke saamne nahi dikhana chahiye,”
Rishabh Pant ka performance iss season mein bahut hi disappointing raha hai – 8 innings mein sirf 106 runs, average 13.25, strike rate 96.36. Ek hi fifty bani hai ab tak, aur Rs 27 Crore ke record price ka pressure bhi unke upar clearly dikh raha hai.
Ab agli baar jab LSG, April 27 ko Hardik Pandya-led Mumbai Indians ke against khele gi, sabki nazar Pant pe hi hogi. Kya woh apna mojo wapas laa payenge?
