IPL 2025 mein aakhirkaar RCB ne jeet ka raasta dhoondh liya hai – aur woh bhi apne home ground pe! Royal Challengers Bengaluru ne Rajasthan Royals ko 11 runs se hara kar fans ko ek zabardast match ka tohfa diya. Aur post-match presentation mein Virat Kohli ne reveal kiya RCB ka winning formula.
“Timing, not power” – yeh mantra raha RCB ke batting approach ka, jahan Kohli aur Padikkal ne milkar ek solid 95-run partnership banayi. Kohli ne 70 runs (42 balls) ki classy innings kheli, jabki Padikkal ne 27 balls mein 50 jod diye. Ant mein ek explosive finish dekhne ko mili, jisne score le jaaya 205/5 tak.
Chase mein RR kaafi achhi position mein tha – 110/2 tak sab sahi lag raha tha. Lekin tab aaya Josh Hazlewood ka magic spell: 4 wickets for 33 runs – aur match palat gaya! RR 194/9 pe ruk gaya, aur RCB ne jeet ka taste chakh liya.
“Humne teen average games kheli thi home pe, aur batting unit ke liye kuch zaruri changes kiye. Pitch itna easy nahi tha jitna score dikhata hai. Rajasthan ne bhi acche shots kheli, lekin humne total defend kiya brilliantly,”
– Virat Kohli
Is jeet ke saath RCB ne apne ghar mein haar ka silsila tod diya – yeh season ka pehla home win tha unka. Toss ka bhi luck RCB ke against hi raha hai ab tak, lekin Kohli ke hisaab se ab unhe samajh aa gaya hai ki match kaise jeetne ka hai.
“Toss jeetna pehla challenge hai (hassi ke saath). Dew ke wajah se second half mein pitch easy ho jaata hai. Toh humne simple rakha – ek banda anchor kare aur baaki log around us attack karein. Devdutt aur main iss ground ko achhe se jaante hain, aur Salt ko top pe khula khelne diya,”
– Virat Kohli
“New ball ke saath bounce aur pace hoti hai, toh humne bas timing pe focus kiya aur opposition pe pressure banaye rakha taaki boundary balls milti rahein,”
– Kohli ne bataya batting strategy ke baare mein
RCB ab IPL 2025 points table mein third spot pe aa gaya hai apni sixth win ke saath, jabki RR apni seventh defeat ke saath eighth position pe slip ho gaya. Ab RCB ka agla muqabla hoga Delhi Capitals ke against April 27 ko Arun Jaitley Stadium mein. RR apna agla game khelega Gujarat Titans ke saath April 28 ko Jaipur mein.
Ab lagta hai, Kohli-led RCB ne finally formula crack kar liya hai – kya yeh season unka ho sakta hai?
