Mumbai Indians ke former captain aur Bharat ke ODI-Test skipper Rohit Sharma ne ek baar phir dikhaya ki experience ka koi muqabla nahi! IPL 2025 ke match mein Sunrisers Hyderabad (SRH) ke khilaaf Rohit ne sirf 46 balls mein 70 runs thok diye, jisse MI ne 7 wicket se match jeet liya.
Hyderabad ke Rajiv Gandhi International Stadium mein khele gaye is match ke baad Rohit ko team ki taraf se mila special ‘Dressing Room Batting Award’. Yeh award mila unke consistent aur match-winning performances ke liye, khaaskar unke pehle ke match mein CSK ke khilaaf unbeaten 76* run knock ke baad. Us match mein bhi MI ne 9 wicket se dhamaka kar diya tha.
MI ne apne official X handle (pehle Twitter) par ek video share kiya hai, jisme dikh raha hai ki Suryakumar Yadav unhe medal pehna rahe hain. Yeh moment MI fans ke liye kaafi emotional tha, kyunki Rohit ne ek baar phir sabit kar diya ki unka class permanent hai.
Fans ne video par pyar barsaya aur comment section mein Rohit ke liye sirf tareef hi tareef thi. Lagta hai Hitman ka form wapas aa gaya hai, aur IPL 2025 mein aur bhi fireworks dekhne ko milenge!
