IPL 2025 ke ek aur shocking defeat ke baad, Chennai Super Kings (CSK) ke captain MS Dhoni ne finally reveal kar diya ki unki team ka asli problem kya hai. Sunrisers Hyderabad ke against 5-wicket se haare match ke baad, Dhoni ne bola ki unka score 15-20 runs kam tha jo match ka turning point ban gaya.
“Hum lagatar wickets lose karte rahe, aur first innings mein pitch thodi better thi. 155 bilkul bhi competitive score nahi tha, kyunki pitch zyada turn nahi ho rahi thi. 8-10 over ke baad thoda two-paced zarur ho gaya tha, par kuch extraordinary nahi tha. Mujhe lagta hai hum 15-20 runs aur bana sakte the. Second innings mein spinners ko thoda help mila, unhone achha bowling kiya, par phir bhi runs kam pad gaye,”
– MS Dhoni, Post-Match Presentation
CSK ne 154 runs pe all-out hone ke baad match ka momentum puri tarah se gawa diya, despite ek strong position pe hone ke baad at 114 for 4 in the 13th over. Bas phir, batting collapse hua aur last 6 wickets sirf 40 runs mein gir gaye.
Middle Order Ban Gaya Hai CSK ka Sabse Bada Dard
MS Dhoni ne apne statement mein yeh bhi highlight kiya ki CSK ka middle order consistently struggle kar raha hai, specially jab spinners bowling karte hai. Unhone bola players ko apne “areas” pe shots maarna seekhna padega ya phir smart batsmanship dikhani padegi.
“Mujhe lagta hai Brevis ne bohot achha bat kiya aur kuch aise hi performances ki zarurat hai middle order mein, jahan hum consistently struggle kar rahe hain spinners ke against. Ya toh apne areas pick karo shots ke liye, ya phir spin ke against rotation karo. Agar majority players form mein nahi hai, toh phir team ko bar-bar changes karne padte hain. Abhi ke zamane mein aapko situation ke hisaab se 180-200 nahi, par solid runs zaroor chahiye,”
– MS Dhoni
Ek aur buri khabar CSK ke fans ke liye: Chepauk Stadium, jo ek zamane mein CSK ka unbeatable fortress tha, ab lagatar matches haar raha hai. RCB, DC, KKR aur ab SRH jaise teams ne Chennai ke ghar mein unki dhoom uda di hai.
CSK ka agla match hoga Punjab Kings ke against, 30th April ko apne home ground MA Chidambaram Stadium mein. Wahi SRH ka next challenge hoga Gujarat Titans ke against Narendra Modi Stadium mein, 2nd May ko.
