IPL 2025 ka high-voltage clash ho raha hai Wankhede Stadium mein, jahan Mumbai Indians (MI) ne toss jeet kar Royal Challengers Bengaluru (RCB) ke khilaaf pehle bowling ka faisla kiya hai. Captain Hardik Pandya ne toss ke baad confirm kiya ki Jasprit Bumrah wapas team mein hain, aur Rohit Sharma as an impact player team ka hissa honge. MI ke fans ke liye yeh ek double treat hai!
Wahi RCB ne apni pichhli playing XI mein koi badlav nahi kiya hai. Team ek hi combination ke saath field par utregi jo Gujarat Titans ke khilaaf khela tha.
Toss ke baad kya bola dono captains ne?
Hardik Pandya (MI Captain): “Hum pehle bowling karenge. Pitch achhi lag rahi hai, aur baad mein dew aane ki sambhavana hai jo batting ko aur behtar banata hai. Ghar par khelna alag hi feel deta hai – crowd hamesha support karta hai. Jassie (Bumrah) aur Ro (Rohit) wapas hain, so feeling is great!”
Rajat Patidar (RCB Captain): “Typical Mumbai wicket hai, batting ke liye badhiya rahega. Hum same team ke saath khel rahe hain. Yahan bowling tough hoti hai, lekin mujhe apni bowling unit par pura bharosa hai.”
Playing XI – MI aur RCB
Mumbai Indians: Will Jacks, Ryan Rickelton (wk), Naman Dhir, Suryakumar Yadav, Tilak Varma, Hardik Pandya (c), Mitchell Santner, Deepak Chahar, Trent Boult, Jasprit Bumrah, Vignesh Puthur
Impact Players: Rohit Sharma, Corbin Bosch, Robin Minz, Ashwani Kumar, Raj Bawa
Royal Challengers Bengaluru: Philip Salt, Virat Kohli, Devdutt Padikkal, Rajat Patidar (c), Liam Livingstone, Jitesh Sharma (wk), Tim David, Krunal Pandya, Bhuvneshwar Kumar, Josh Hazlewood, Yash Dayal
Impact Players: Rasikh Dar Salam, Suyash Sharma, Swastik Chikara, Jacob Bethell, Swapnil Singh
MI vs RCB Head-to-Head Record
Dono teams ab tak 33 baar IPL mein takra chuki hain, jismein MI ne 19 matches jeete hain aur RCB ne 14. Is baar ka mukabla aur bhi zabardast hone wala hai!
Pitch Report – Kya keh rahe hain experts?
“Yeh pitch number 8 hai – pichhli baar pitch 6 pe KKR sirf 116 pe all out ho gaya tha. Square boundaries 66m aur 61m ki hain, straight 74m ka hai. Hawa tez chal rahi hai – 36 kph tak ki gusts aa rahi hain, jo dew ko influence kar sakti hai. Jab Wankhede mein dew aata hai, ball literally udne lagta hai – isiliye chasing team ko edge milta hai. Pitch hard hai, thoda patchy bhi, lekin high scoring ban sakti hai. MI ko powerplay mein dikkat hui hai jabki RCB ka economy rate iss IPL mein best raha hai, thanks to Hazlewood aur Bhuvi ki class.” – Natalie Germanos & Simon Katich
Toh bhaiyo aur behno, Wankhede mein aaj raat cricket ka ek aur blockbuster tayar hai. Rohit aur Bumrah ke wapas aane se MI ka morale high hai, par Kohli-led RCB bhi peeche nahi hai. Kya hoga aaj ka result? Stay tuned!
