IPL 2025 mein chahe MS Dhoni ka bat utna shine na kar raha ho, lekin unka charm aur legacy fans ke liye ab bhi utni hi powerful hai. 43 saal ke Dhoni jab field par aate hain, toh pura stadium ek dum yellow ho jaata hai. Har jagah sirf ek naam goonjta hai – Thala!
Lekin is baar Dhoni ne sirf apne cricket se nahi, balki ek emotional confessional moment se bhi fans ka dil jeet liya. Ek recent conversation mein Raj Shamani ke saath, Dhoni ne apne childhood ke kuch khaas aur private moments share kiye.
“Papa se darr lagta tha” – Dhoni ka honest confession
“Jab hum bachpan mein the, tab insecurity naam ki koi cheez nahi thi. Har din ek jaise guzarte the – na phone, na showoff. Humari life ekdum simple thi. School colony mein hi tha, toh badmaashi ka scope nahi tha. Teachers mere bhai ko bhi padhate the, toh sabko family pata thi. Colony ke games hi ek competition the, aaj haar gaye toh kal jeetna zaroori tha!”
Yeh simplicity aur discipline hi thi jo Dhoni ke character ka core ban gayi. Lekin sabse impactful revelation tha unka ‘papa se darr’.
“Papa se darr bohot lagta tha. Woh bohot strict the. Hamesha time pe rehna padta tha. Unhone kabhi maara nahi, lekin unki presence hi kaafi thi. Mere dost colony ki deewar par chadh jaate the, main kabhi himmat nahi karta. Agar papa dekh lete toh bas… game over!”
Ek emotional moment IPL 2025 ke beech
Interestingly, MS Dhoni ke father Pan Singh recently unka match dekhne aaye the jab CSK ne DC ka samna kiya. Yeh rare moment tha, jahan ek strict father apne superstar bete ko live support karne aaye.
Halanki CSK ka start is season mein thoda slow raha hai – 4 matches mein sirf 1 win aur 9th position par hai team. DC ke against unki 25-run loss mein Dhoni ne 30(26) runs ki fighting knock kheli, lekin team ko win tak nahi le jaa paaye.
CSK ka agla match 7 April ko Punjab Kings</strong ke against hai, venue hoga Mullanpur Stadium. Fans ab bhi hope kar rahe hain ki Captain Cool ek baar phir se magic dikhayein.
Dhoni ka yeh heartfelt confession sirf ek cricket story nahi, balki har us bachpan ki yaad hai jahan papa ka ek alag hi fear factor hota tha – disciplined banane wala, foundation dene wala.
