Hyderabad: IPL 2025 ka ek aur dhamakedaar match dekhne ko mila jab Gujarat Titans (GT) ne Sunrisers Hyderabad (SRH) ko unke hi ghar mein 7 wickets se hara diya. Star of the night bane Mohammed Siraj, jinhone apne IPL career ki best bowling ki aur SRH ke top order ko hilake rakh diya.
Siraj ne sirf 17 runs dekar 4 wickets liye aur SRH ki team ko sirf 152/8 par rok diya. Uske baad GT ke captain Shubman Gill ne 43 ball par 61 runs ki solid innings kheli, jisme unka sath diya Washington Sundar</strong ne, jinhone 49 runs banaye. GT ne target sirf 20 balls baaki rehkar chase kar liya.
GT ki yeh IPL 2025 mein teesri consecutive jeet thi aur ab woh points table mein second position pe pahunch gaye hain with 6 points aur net run rate 1.031. Pehle match mein Punjab Kings ke khilaf haarne ke baad, GT ne Mumbai Indians, RCB aur ab SRH jaise strong opponents ke against zabardast comeback dikhaya hai.
Is match ki sabse badi highlight thi Mohammed Siraj, jinhone Travis Head, Abhishek Sharma, Simarjeet Singh aur Aniket Verma jaise important wickets liye. Iske sath hi Siraj ban gaye IPL ke 100-wicket club mein shaamil hone wale 12th Indian fast bowler. Unki spell ke dauraan sirf 3 boundaries lagi, jo unki consistency aur control ko dikhata hai.
“Was a bit skinny, but the Hyderabad wicket is a bit tough. A few early wickets and you are in the game. It didn’t spin much, there was a little dew around, but they batted really well. Their pace bowling was tough to play against today,”
– Pat Cummins, Post-Match Presentation
SRH ke captain Pat Cummins ne bhi post-match interview mein maana ki unki team GT ke pace attack ke saamne helpless thi, especially Siraj ke against. Unka kehna tha ki early wickets girne ke baad team kabhi recover nahi kar payi.
SRH ab agla match khelegi Punjab Kings ke against 12 April ko, Rajiv Gandhi International Stadium mein. Fans ko umeed hai ki Cummins & Co. wapas form mein aayenge.
