MS Dhoni – ek naam jo IPL ke har fan ke dil mein basa hai. Lekin ab lagta hai ki kuch log unki cricket journey ka ‘The End’ dekhna chahte hain. Aur unmein se sabse prominent naam hai – Matthew Hayden.
CSK ke former opener aur Dhoni ke purane saathi Hayden ne ek zabardast statement diya hai jo headlines mein chhaya hua hai. IPL 2025 ke ek crucial match mein Chennai Super Kings ko Delhi Capitals ke haathon 25-run ki haar jhelni padi. Is match ke baad, Dhoni ki performance par sawal uth gaye.
“(MS) Dhoni should join us in our commentary box after this game. He has lost the cricket. It’s over for him. He should accept this fact until it’s too late for CSK,”
Yeh comment reportedly Hayden ne Chepauk stadium ke commentary box se diya, jab Dhoni ne 26 balls par 30 runs banaye – ek six aur ek four ke saath. Unka yeh innings match nahi jeet paya CSK ke liye, aur yehi tha point jis par Hayden ne direct strike kiya.
Lekin baat yahin khatam nahi hoti. IPL 2025 mein Dhoni ke performances average se bhi niche rahe hain. Mumbai Indians ke against not out duck, RCB ke khilaaf 30 not out, Rajasthan ke against 16 runs, aur ab DC ke saamne phir se ek unbeaten 30. Fans aur critics dono confusion mein hain – kya yeh wahi Dhoni hai jo match palat deta tha?
Ek aur interesting moment tab aaya jab CSK ke pehle match mein Dhoni batting karne aaye number 9 pe! Fans shocked the, but CSK ke coach Stephen Fleming ne clarification diya.
“No, that’s not my role to put an end to it. I have no idea. I’m just enjoying working with him. He’s still going strong. I don’t even ask these days. You guys are the ones that ask (about retirement),”
Toh officially abhi tak retirement ka koi scene nahi hai. Fleming ne clearly bola ki Dhoni abhi bhi strong ja rahe hain aur unke future pe sirf wahi decide karenge.
Ab sabki nazar hogi CSK ke next match pe jo April 8 ko Punjab Kings ke against Mullanpur stadium mein hoga. Kya Dhoni apni classic style mein critics ko galat prove karenge? Ya phir mic hi unka naya weapon banega?
Stay tuned, kyunki Dhoni ka chapter abhi band nahi hua hai – ya shayad hone wala hai?
