IPL 2025 mein Punjab Kings (PBKS) ko apna pehla jhatka laga, jab unhone Rajasthan Royals (RR) ke khilaaf 50 runs se match haar diya. Match ke baad PBKS ke spin bowling coach Sunil Joshi ne maan liya ki unki team ne spin bowlers ka sahi use nahi kiya — aur yahi unki haar ki wajah bani.
“We have a long season ahead. I think we missed the trick — we could have bowled a couple of more overs with spin, with Maxi [Glenn Maxwell] and Chahal [Yuzvendra Chahal]. So we missed the trick, and going forward, we will look into it,” Joshi ne post-match interview mein kaha.
Rajasthan Royals ne 205/4 ka bada total banaya, jabki PBKS ki batting top-order collapse ke wajah se sirf 155/9 tak pahuch payi. Shreyas Iyer ke leadership mein yeh unki team ki pehli haar thi.
Iyer ne powerplay ke turant baad Yuzvendra Chahal ko introduce kiya, lekin woh apne purane team RR ke khilaaf zyada impactful nahi rahe. Chahal ne teen overs mein kuch boundaries khayi aur unhe fourth over diya hi nahi gaya. Glenn Maxwell ne powerplay mein ek over daala, jisme sirf 6 runs diye, lekin uske baad unhe dobara ball nahi diya gaya — jabki Jaiswal 14th over tak khel rahe the.
Marcus Stoinis bane sabse mehange bowler, jinhone 48 runs diye. Dusrі taraf, RR ne teen spinners ka sahi istemal kiya: Maheesh Theekshana ne 4 overs mein 26 runs dekar 2 wickets liye, Kumar Kartikeya ne 2 overs mein sirf 21 runs diye aur Prabhsimran ko out kiya, jabki Wanindu Hasaranga ne 3 overs mein 36 runs diye lekin Nehal Wadhera ko important stage pe out kiya.
Iyer ka Reaction: Haar Mein Chhupi Seekh
“I thought that we would be conceding around 180-185 — that would have been a great total to chase. We gave away a few extra runs, were not able to execute according to our plans. Glad that it (the defeat) happened at the start of the season,” Iyer ne post-match presentation mein kaha.
“This is just the third match, you need a slight hiccup at the start to wake you up and glad that it happened right now. We need to go back to the drawing board and come back strong next game,” unhone aage joda.
Haalanki yeh defeat PBKS ke liye tough thi, lekin abhi bhi woh points table mein fourth position par bane hue hain. Lekin unka Net Run Rate (NRR) iss match ke baad definitely hit hua hai.
Ab dekhna yeh hoga ki PBKS apni galtiyon se kitna seekh paati hai aur agle matches mein kaise comeback karti hai. Kya spinners ka sahi use unki jeet ki chaabi banega? Yeh toh waqt hi batayega!
