Chennai Super Kings (CSK) aur Delhi Capitals (DC) ke beech IPL 2025 ka match toh tha hi exciting, lekin is baar spotlight kisi aur par thi — MS Dhoni ke retirement ke aas-paas ghoomte sawaalon par!
5 April ko Chepauk Stadium mein CSK ki 25-run se haar se zyada buzz us viral video ne banayi jahan Sakshi Dhoni, unki beti Ziva ke saath baat karte hue lip-read hoti dikh rahi hain – aur woh bolti hain, ‘last match’. Bas, fir kya tha! Social media ka temperature instantly high ho gaya.
Video clip ne fans ke dil mein ek hi sawaal daal diya – Kya yeh Dhoni ka IPL mein aakhri dance hai?
Did Sakshi Dhoni just tell Ziva it’s his last match? #MSDhoni #DhoniRetirement
pic.twitter.com/97Of9lIdpD — Kunal (@kunaljoshi93) April 5, 2025
Iss emotional moment ko aur bhi khaas banaya Dhoni ke maa-baap Pan Singh Dhoni aur Devaki Devi ki stadium mein presence ne. Reports ke mutabiq, pehli baar woh live stadium mein apne beta Dhoni ko match khelte dekh rahe the – aur Ziva bhi unke saath thi!
Lekin speculation ka full stop laga post-match press conference mein jab CSK ke head coach Stephen Fleming ne clear kiya:
“No, that’s not my role to put an end to it. I have no idea. I’m just enjoying working with him still. He’s still going strong. I don’t even ask these days. You are the ones who ask,” – Stephen Fleming
Toh abhi ke liye, Dhoni fans ko thoda aur intezaar karna padega. Kyunki Mahi abhi bhi mahi maar raha hai!
CSK ka agla schedule:
- April 8: vs Punjab Kings (Chandigarh)
- April 11: vs Kolkata Knight Riders (Home)
- April 14: vs Lucknow (Away)
- April 20: vs Mumbai Indians (Away)
Toh agle kuch matches mein aankhen jamakar rakhiye – Dhoni ke willow se nikalta har shot, har moment ab aur bhi special lag raha hai!
