IPL 2025 ka drama full on hai! April 4 ko Lucknow Super Giants (LSG) ke against match mein Mumbai Indians (MI) ne ek aisa move kiya jo har fan ko shock mein daal gaya – Tilak Varma ko retire out kar diya gaya!
Post-match press conference mein MI ke head coach Mahela Jayawardene ne bataya ki yeh unka decision tha, aur yeh puri tarah se ek tactical move tha.
“Tilak ne acha start liya jab humne ek wicket kho diya tha aur Surya ke saath ek partnership banayi. Lekin wo boundaries nahi nikaal pa rahe the,” Jayawardene ne reporters ko bataya.
“Main aakhri kuch overs tak ruk gaya tha, soch ke ki usne pitch pe time bitaya hai toh shayad wo ek-do bade shot maar de. Lekin lag raha tha wo struggle kar raha hai. Isliye ek fresh player bhejna zaroori ho gaya,” unhone add kiya.
Tilak ne 23 balls mein 25 runs banaye the, lekin boundaries ka drought tha. Jab unhe retire out kiya gaya, match mein sirf 7 balls bachi thi.
“Aise decisions lena kabhi acha nahi lagta, lekin kabhi-kabhi cricket mein tough calls lene padte hain. Ye ek tactical decision tha,” Jayawardene ne bola.
“Batting at 25 off 23 in the run chase, #TilakVarma retired himself out to make way for Mitchell Santner! 🤯 Only the 4th time a batter has retired out in the IPL!” – @StarSportsIndia
Toh hua kya uske baad? Jab Tilak wapas dugout gaye, MI ko 7 balls mein 24 runs chahiye the. Mitchell Santner aaye crease par aur sirf ek-do runs hi nikaal paye. Aakhri over mein Avesh Khan ne ball daala aur Pandya ne pehla shot toh boundary ke paar bhej diya, lekin baaki deliveries pe kuch khaas nahi ho paya.
MI 12 runs se match haar gayi, aur fans ka reaction mila-jula tha.
“Hum team ke roop mein jeet te hain, aur team ke roop mein haarte hain. Kisi ek player ko point out nahi karna chahiye. Mein poori responsibility leta hoon. Humein bade shots chahiye the aur Tilak ko hataana obvious tha,” – Hardik Pandya, post-match presentation mein.
IPL mein retire out ka concept ab slowly accept ho raha hai, lekin yeh move fans ke liye ab bhi ek shocker hai. Kya yeh sahi decision tha? Yeh toh agle matches hi batayenge!
