Vizag: Sunrisers Hyderabad (SRH) ka IPL 2025 ka dream start ab thoda hichkolay kha raha hai. Rajasthan Royals ke khilaf 286-run ka dhamakedar performance dene ke baad, lagta hai SRH ki gaadi thodi si patari se utar gayi hai. Unhone apne last do matches consecutively haar diye – aur latest jhatka mila Delhi Capitals (DC) se March 30 ko.
DC ke khilaf match mein, SRH sirf 163 runs par all out ho gayi in 18.4 overs, aur DC ne target aaram se chase kar liya – sirf 3 wickets giriye aur 4 overs bache the! Ye defeat definitely disappointing thi, lekin Pat Cummins abhi bhi chilled hain.
“Humne momentum nahi banaya, scoreboard pe acha total nahi tha. Thode galat shots hue, lekin is format mein deep catches hona normal hai. Mujhe nahi lagta ki yeh koi badi chinta ki baat hai. Agar 2-3 shots connect ho jaate toh kahani alag hoti. Hume apne options dubara dekhne padenge. Aniket Verma ne kaafi accha perform kiya, especially practice games mein. Abhi sirf do matches gaye hain, season abhi lamba hai, so there’s no need to panic.”
– Pat Cummins, post-match presentation
Match ki kahani: DC ne powerplay ke baad 52 runs jod liye the. Faf du Plessis ne aggressive batting ka mood dikhaya aur Pat Cummins ko ek chhakka aur chaukka laga kar message clear kar diya. Faf ne apna half-century complete kiya, lekin agle over mein Zeeshan Ansari ne unka wicket le liya. Iske baad Jake Fraser McGurk ne DC ke liye momentum banaye rakha with back-to-back boundaries, aur game finish kar diya with style.
Toh ab sawaal yeh hai: Kya SRH apna mojo wapas laa paayegi ya yeh downfall ka beginning hai? Fans abhi bhi hopeful hain, aur Pat Cummins ka confidence team mein energy bhar raha hai.
