IPL 2025 ka junoon chhaya hua hai, aur isi beech England ke star all-rounder Moeen Ali ne apni all-time IPL XI ki ghoshna karke fans ko surprise kar diya hai. Unki team mein bade naam shamil hain – lekin kuch bade naam chhoot bhi gaye!
Moeen ne apni dream team ka captain banaya hai CSK ke legend MS Dhoni ko, lekin sabko hairaan karte hue unhone Rohit Sharma aur AB de Villiers jaise stars ko apni XI mein jagah nahi di. Jabki Rohit ne Mumbai Indians ko 5 IPL titles</strong jeetaye hain, fir bhi Moeen ne unhe ignore kiya.
Ye team Moeen ne ek podcast Beard Before Wicket ke dauraan share ki. Aur sunne mein ye bhi aaya ki unhone Gautam Gambhir ko bhi chhod diya – haalaanki Gambhir ne Kolkata Knight Riders ko do baar IPL champion banaya hai.
Chris Gayle & Virat Kohli: Opening Ka Dhamaka!
Moeen ne opening pair ke liye chunaa Chris Gayle</strong aur Virat Kohli</strong ko – dono hi RCB ke liye legendary performances de chuke hain. Moeen ne kaha ki Gayle ka T20 cricket mein domination aur Kohli ki consistency unhe perfect combination banati hai opening ke liye.
Middle Order Mein Hai Powerhouse
Number 3 pe hai Kieron Pollard</strong – West Indies ka ye superstar all-rounder game palatne ki capability rakhta hai. Mumbai Indians ke liye unka impact unforgettable raha hai, isliye Moeen ne unhe apne dream squad mein jagah di.
Is team mein 5 Indian players hain – jismein Virat Kohli, MS Dhoni, Hardik Pandya</strong jaise bade naam shamil hain. Lekin Rohit Sharma ka na hona sabse zyada charcha ka vishay ban gaya hai.
Moeen Ali ka ye selection dikhata hai ki unka focus un players par tha jo individual brilliance ke saath team ko match-winners banate hain. Lekin Rohit aur ABD ke fans ke liye ye decision zaroor shocking hoga!
