Rajasthan Royals (RR) ke head coach Rahul Dravid ne ek press conference mein reveal kiya ki unka young talent Vaibhav Suryavanshi, jo sirf 14 saal ka hai, abhi IPL 2025 ke intense atmosphere mein gradually adjust kar raha hai. RR ne Vaibhav ko Rs 1 crore mein kharida tha, aur unka debut lekar fans mein kaafi excitement hai.
Dravid ne kaha ki team Vaibhav ko rush nahi karna chahti. Wo chahte hain ki youngster pehle dressing room aur training sessions ka experience le, taaki jab bhi wo field pe aaye, toh poori tarah ready ho.
“Wo training mein kaafi accha kar raha hai, aur ek exciting talent lagta hai. Lekin hamare paas aur bhi ache players hain. Humein usko sahi tarah se groom karna hai, use environment ka feel lena chahiye, practice karni chahiye team ke sath. Crowd ke saamne directly daalne se behtar hai ki use pehle tayar kiya jaye. Agar zarurat padti hai, toh use khelane se hum dareinge nahi,”
– Rahul Dravid
RR ka IPL 2025 mein ab tak ka safar kuch khaas nahi raha hai, as they suffered losses against Sunrisers Hyderabad aur Kolkata Knight Riders. Captain Sanju Samson apne injury concerns ke wajah se sirf batting pe focus kar rahe hain, aur Riyan Parag ko temporary captain banaya gaya hai pehle 3 matches ke liye.
Dravid ne Parag ko No. 3 par promote karne ke decision ko support kiya, bolte hue ki team uski potential pe full confidence rakhti hai, even though uske scores abhi tak sirf 4 aur 25 rahe hain.
“Dekho, Riyan hamare best batters mein se ek hai. Hum chahte hain ki wo zyada se zyada balls khele. 20 overs ka match chhota hota hai, aur jitna zyada time Riyan crease pe bitayega, utna hi better hoga team ke liye. No. 3 pe laane ka idea yeh tha ki usko zyada batting time mile. Uske paas destructive potential hai aur agar usko time mila, toh wo team ke liye match-winner ban sakta hai,”
– Rahul Dravid
Dravid ke calm aur strategic approach ne ek baar phir se dikhaya ki wo sirf players ke performance pe nahi, unke long-term development pe bhi focus karte hain. Ab dekhna yeh hai ki Vaibhav Suryavanshi kab RR ke liye debut karte hain, aur kya Riyan Parag apni new batting position mein form dhoondh paate hain ya nahi.
