Mumbai Indians (MI) ke captain Hardik Pandya ke liye IPL 2025 ka season ab tak kisi nightmare se kam nahi raha. Gujarat Titans (GT) ke khilaaf match mein MI ko 36 runs se haar ka samna karna pada, aur upar se BCCI ne un par slow over rate ke liye Rs 12 lakh ka jurmana bhi thok diya.
“Mumbai Indians ke captain Hardik Pandya par unki team ke slow over rate maintain karne ke kaaran fine lagaya gaya hai during Match No. 9 of the TATA Indian Premier League (IPL) 2025 against Gujarat Titans at Narendra Modi Stadium, Ahmedabad,” IPL release mein kaha gaya.
“Yeh season ka unki team ka pehla offence tha under Article 2.2 of the IPL’s Code of Conduct, isiliye Pandya ko Rs 12 lakh ka fine diya gaya,” IPL ne further clarify kiya.
Yeh pehli baar nahi hai jab Hardik slow over-rate ke chakkar mein phase ho. Pichle season bhi unko is issue ke chalte ek match suspension</strong face karna pada tha. Isi wajah se wo MI ka pehla match Chennai Super Kings (CSK) ke against miss bhi kar gaye the.
Lekin is baar IPL 2025 ke start se pehle BCCI ne thoda system change kiya hai. Captains’ meeting ke dauraan decide hua ki ab se slow over-rate par match ban nahi balki demerit points aur fines</strong diye jayenge. Clearly, BCCI iss issue ko seriously le rahi hai.
Ab baat karein MI vs GT clash ki, toh Ahmedabad ke black soil pitch par GT ne 196 runs ka target set kiya, jisme Sai Sudharsan ne 63 runs ki shandar innings kheli. MI ki batting line-up ne struggle kiya aur 160/6 tak hi pahuch paayi, despite Suryakumar Yadav ke explosive 28-ball 48 ke.
GT ke liye Prasidh Krishna aur Mohammed Siraj ne kamaal dikhaya, dono ne 2-2 wickets liye. Player of the Match Prasidh Krishna ban gaye. Dusri taraf MI ab tak IPL 2025 mein apni pehli jeet ke liye taras rahi hai, aur unki points tally abhi bhi shunya par atki hui hai.
Clearly, IPL 2025 mein BCCI ne slow over-rates par lagam kasne ka mann bana liya hai, aur Hardik Pandya iska pehla nishana ban gaye hain.
