SRH vs MI: Match Preview with a Twist
Sunrisers Hyderabad (SRH) ne IPL 2025 ki shuruaat ek dhamakedar tareeke se ki thi – itna hi nahi, unhone tournament ka doosra sabse bada score bhi banaya. Lekin uske baad se unka graph neeche hi gaya hai. Char matches back-to-back haare, ek bada chase jeeta, phir se flop ho gaye. Pat Cummins ki captaincy mein yeh team sirf top-order par depend kar rahi hai, aur unka bowling attack to bilkul ordinary lag raha hai.
SRH vs MI Toss Prediction: Kaun Marega Baazi?
Hyderabad mein SRH ne ek match batting first aur ek chasing jeeta hai. Toh ho sakta hai wo iss baar pehle batting ka option lein. Wahin MI ke skipper Hardik Pandya chahenge pehle bowling karna aur SRH ke low-confidence batting ko pressure mein lana.
Top Performers: Kis Par Hai Sabki Nazar?
Mumbai Indians:
- Jasprit Bumrah: Comeback ke baad deadly form mein hai, 7.43 economy rate ke saath.
- Hardik Pandya: 11 wickets le chuke hain – MI ke top wicket-taker.
- Suryakumar Yadav: 333 runs in 8 games, including 2 half-centuries. Mr. Dependable for MI.
- Rohit Sharma: Form mein wapas aagaye hain – MI fans ke liye good news!
Sunrisers Hyderabad:
- Abhishek Sharma: Punjab ke against 141-run blast ke alawa kuch khaas nahi kiya.
- Travis Head & Heinrich Klaasen: Inconsistent performances ne SRH ko zyada kuch nahi diya.
- Aniket Verma: Talent hai, lekin stability missing hai.
- Bowling Woes: Mohammed Shami ka bowling average 52.20! Cummins bhi jujhte nazar aaye. Zampa injury ke baad unavailable hai. Sirf Eshan Malinga hi positive note lagte hain.
Win Prediction: Kiski Hogi Baazi?
Head-to-head records dekhein to MI ne 24 mein se 14 games jeete hain SRH ke against. Lekin Hyderabad ke ghar pe SRH thoda strong dikhte hain – 9 mein se 5 matches jeete hain. Par last baar jab MI Hyderabad aayi thi, unhone 277/3 concede kiya tha – that’s a wakeup call!
Toh kya MI apni winning form continue karegi ya SRH kar payegi comeback? Yeh match zaroori hai dono teams ke liye. Fingers crossed, cricket fans!
