Ahmedabad, March 29: IPL 2025 ke ek dhamakedaar mukable mein Mumbai Indians (MI) ne toss jeeta aur Gujarat Titans (GT) ko Narendra Modi Stadium mein pehle batting karne ke liye bula liya. Ye match khaas tha kyunki MI ke naye-naye captain bane Hardik Pandya</strong apne purane team Gujarat ke saamne wapas aaye.
Hardik Pandya ne toss ke baad kaha:
“Hum pehle bowling karenge. Simple reason hai ki humein pitch ka idea nahi hai, aur dew bhi role play karega. Last saal black soil thi, par usually yeh red soil wali pitch hoti hai. Preparation acchi rahi hai, boys excited hain. Main wapas aaya hoon aur sab apni jagah set ho rahe hain. Bas accha cricket khelna hai aur enjoy karna hai.”
GT ke naye skipper Shubman Gill ne kaha:
“Yahan pehle bhi kaafi baar pehle batting ki hai, toh hamare liye zyada farak nahi padta. Hum pitch ko assess karenge aur dekhenge kitna target set kar sakte hain. Ek lefty-righty combo banana chahte hain, aur Jos Buttler England ke liye number 3 pe khelte aaye hain, toh unka role waisa hi rahega.”
Playing XIs:
Gujarat Titans: Shubman Gill (capt), Sai Sudharsan, Jos Buttler (wk), Sherfane Rutherford, Rahul Tewatia, Shahrukh Khan, Rashid Khan, R Sai Kishore, Kagiso Rabada, Mohammed Siraj, Prasidh Krishna
Impact Subs: Mahipal Lomror, Glenn Phillips, Ishant Sharma, Anuj Rawat, Washington Sundar
Mumbai Indians: Rohit Sharma, Ryan Rickelton (wk), Suryakumar Yadav, Hardik Pandya (capt), Tilak Varma, Naman Dhir, Mitchell Santner, Deepak Chahar, Trent Boult, Mujeeb Ur Rahman, Satyanarayana Raju
Impact Subs: Robin Minz, Ashwani Kumar, Raj Bawa, Corbin Bosch, Will Jacks
GT vs MI Head-to-Head:
Ab tak IPL mein GT aur MI paanch baar takra chuke hain. Jahan Gujarat ne 3 baar jeet hasil ki hai, wahi Mumbai ne 2 matches jeete hain. Dono teams ka record kaafi neck-to-neck hai.
Pitch Report:
“Pitch thodi unpredictable lag rahi hai, GT vs PBKS wali pitch se alag hai. Yeh clay mix alag hai aur surface two-paced ho sakti hai. Patchy areas hain jahan 180 ka score par ho sakta hai. Bowlers ke liye pace variation effective hoga, aur new ball surface se kiss kar sakti hai. Batting thodi tough ho sakti hai pehle ke matches ke comparison mein,” pitch experts Nick Knight aur Michael Clarke ne analysis diya.
Ab dekhna yeh hoga ki Gujarat Titans batting mein kya karishma dikhate hain ya Mumbai Indians fielding se game ka flow badalte hain. Match toh full paisa-vasool hone wala hai!
