New Delhi: IPL 2025 ka maidan garma gaya jab Kolkata Knight Riders (KKR) ne ek zabardast 14-run ki jeet haasil ki Delhi Capitals (DC) ke khilaaf Arun Jaitley Stadium mein. Lekin is jeet ka asli hero kaun tha? Sunil Narine – jiska ek over ne match ka poora equation hi badal diya!
DC 205 ka target chase kar raha tha aur lag raha tha ki wo jeet ki taraf badh rahe hain. Lekin fir aayi 14th over ki tsunami – Narine ne pehle Axar Patel ko aur fir power-hitter Tristan Stubbs ko piche bhej diya. Us over ke baad DC ka momentum hi tut gaya.
“Jab Sunil bowling pe aaya aur do wickets nikaale, aur unhone beech ke over mein teen wickets kho diye, tab mujhe laga – game hamara ho gaya,” Ajinkya Rahane ne post-match presentation mein kaha.
“Woh ek champion bowler hai is franchise ke liye. Match-winner hai. Captain hone ke nate, Sunil aur Varun (Chakaravarthy) jaisa bowler team mein hona badi baat hai.”
Sunil Narine ka final spell tha 3/29 – aur isi ke liye unhe Player of the Match ka award bhi mila. Match ke baad Narine ne bataya ki chahe shuruaat achhi ho ya na ho, wo hamesha apne aap pe bharosa rakhte hain.
“Main hamesha apne upar vishwas karta hoon. Kabhi kabhi aap match mein slow start lete ho par baad mein comeback karte ho – aaj wahi hua,” Narine ne kaha.
KKR ab IPL 2025 ke points table mein 7th position</strong pe hai, 10 matches mein 4 jeet ke saath. Agla match hoga Rajasthan Royals</strong ke against 4 May ko, Eden Gardens, Kolkata mein. Ab dekhna yeh hai ki kya KKR playoffs ki daud mein tik paata hai ya nahi!
