Chennai Super Kings (CSK) ko ek bade setback ka samna karna pada jab unke regular captain Ruturaj Gaikwad IPL 2025 se bahar ho gaye. Gaikwad ki ankle injury ke baad, CSK ne MS Dhoni ko phir se apna captain appoint kiya hai. Yeh news fans ke liye shock thi, aur unke reactions kaafi mixed the. Kuch fans toh khush hain ki Dhoni wapas captaincy mein aa gaye, lekin kuch fans ko yeh tension bhi ho rahi hai kyunki Gaikwad CSK ke liye ek key batter the aur unhone IPL mein kai zabardast knocks bhi ki thi.
Ab jab MS Dhoni ko captain bana diya gaya, social media par kuch rumors bhi chal rahe hain ki Ruturaj Gaikwad ne Instagram par Dhoni ko unfollow kar diya. Yeh baat abhi tak kisi credible source ne confirm nahi ki hai, lekin fans ne Gaikwad ke Instagram account ka ek screenshot share kiya, jisme MS Dhoni ka naam unke followers list mein nahi tha.
Ruturaj Gaikwad unfollowed dhoni 🤣🤣
CSK ki halat abhi kuch khaas achi nahi chal rahi. Pehli match mein Mumbai Indians ko harane ke baad, team ab tak apne baaki sare matches haar gayi hai. MS Dhoni ne apne sixth match mein Kolkata Knight Riders (KKR) ke against captaincy ki thi, lekin team phir se jeet nahi payi. Abhi tak CSK sirf 2 points ke saath points table mein ninth position par hai.
CSK ka agla match 14 April ko Lucknow Super Giants (LSG) ke saath hoga, jo ki Ekana Cricket Stadium, Lucknow mein khela jayega. Dekhte hain ki yeh match CSK ke liye kaisa rahega.
